nepal investment baink

किपूया बामपन्थी मानवअधिकारवादी शुकराम महर्जन मन्त

नेवा: अनलाइन न्युज – ललेन्द्र शाक्य | ने.सं. ११४४ बछलागा पारु (२०८१ जेष्ठ ११ गते) शुक्रवाः

किपू नगरपालिका ३ वडा सागः त्वाःया बामपन्थी मानवअधिकारवादी शुकराम महर्जन थौं ने.सं. ११४४ बछलागा पारु (२०८१ जेष्ठ ११ गते) शुक्रवाः त्रिभुवन विश्वविद्यालय शिक्षण अस्पताल महाराजगञ्जय् मन्त ।

मदुम्ह शुकराम महर्जन छम्ह भाषा अभियन्ता कथं नं नांजाःम्ह व्यक्तित्व खःसा वय्कः छम्ह बामपन्थी विचारधाराया राजनीतिक व्यक्तित्व नं खः ।

अथेहे, मदुम्ह शुकराम महर्जन छम्ह मानवअधिकारवादी नेता नं खःसा वय्कः किपूया मानवअधिकारवादी संस्थाया नायः तकं जुयादी धुंकूम्ह व्यक्तित्व खः ।

वि.सं. २०५९ सालय् धुलिखे काभ्रेया जेलय् कठोर यातना तकं फयादीधुंकूम्ह व्यक्तित्व खः मदुम्ह शुकराम महर्जन ।

मदुम्ह शुकराम महर्जन छुं वाः न्ह्यः छेँया चःबिइ वःम्ह दनेमफयाः स्वास्थ्यय् समस्या जुइवं हे वय्कःयात महाराजगञ्ज शिक्षण अस्पतालय् वासः यायेगु नितिं यंकूगु खः ।

Categorized in नेवाः