coved ad

किपूया ज्ञानमाला भजन अनुयायी वीरमाया महर्जन मन्त

नेवा: अनलाइन न्युज – ललेन्द्र शाक्य | २०७८ पौष २८, बुधबार १२:३६:३९

बुद्धधर्म व संघय् दुनुगलंनिसें समर्पित जुयाच्वनादीम्ह उपासिका लिसें ज्ञानमाला भजन म्येहालामि किपू नगरपालिका १० वडा निवासी वीरमाया महर्जन ने.सं. ११४२ पोहेलाथ्व अस्तमि (पुस २६ गते) सोमवाः आकाझाकां मन्त ।

किपुली बुद्ध शासनया नितिं ज्वःमदुगु योगदान बियाः वयाच्वनादीम्ह किपूया नगरमण्डप श्री कीर्ति विहारय् आवद्ध जुयाः ज्ञानमाला भजन संगीतय् जीवन पानाः वयाच्वनादीम्ह उपासिका मदुम्ह वीरमाया महर्जन ज्यापु महागुथि नेपाः किपू नगर समितिया आजीवन दुजः खःसा वय्कः कीर्तिपुर–चन्द्रागिरी क्षेत्रीय उपसमितिया दुजः, बुद्धपूजा समितिया नायः, नेपाल राष्ट्रिय ज्ञानमाला समितिया पुलांम्ह कार्यकारिणी केन्द्रीय दुजः नं खः । अथेहे, मदुम्ह महर्जन पोशाक व्यवस्थापन समितिया दुजः नं खः ।

Categorized in नेवाः