zero media family planning adv

किपुली हाकनं मेगु न्हूगु रेष्टुरेन्ट बैगः, शुक्रवाः व शनिवाः निन्हु उलेज्या ज्याझ्वः

नेवा: अनलाइन न्युज – ललेन्द्र शाक्य | २०७७ चैत्र १३, शुक्रबार ११:३८:२७

भ्वाईस अफ नेपालया उत्कृष्ट कलाकारलिसें थीथी कलाकारपिनिगु लाईभ म्यूजिक कन्सर्ट

ऐतिहासिक किपू नगरी थौंकन्हय् नसात्वसाया रेष्टुरेन्ट हब हे जुइधुंकूगु दु । किपू नगर दुने नेवाः लहनानिसें ससः, लायकू दरबार, समेबजि, माःक्वाःचा, सेवा, जात्रा, स्वँमा, नखः, चुक, कःसि, फल्चा, सेकुवा हब, सेकुवा छेँ, चैत्य, सेते, कीर्तिपुर भ्यू प्वाइन्ट, कञ्चन, गोविन्द, शान्त इत्यादी नापनापं आपालं आपाः हे नसात्वसाया पसःत संचालनय् वयाच्वंगु दु ।

थ्वहे झ्वलय् आः हाकनं किपुली मेगु छगू न्हूगु रेष्टुरेन्ट ...बैगः...संचालनय् वःगु दु ।

किपू नगरपालिका ९ वडा नगां दुपातय् पलिस्था जूगु उगु बैगः रेष्टुरेन्टया चैत्र १३ गते शुक्रवाः व १४ गते शनिवाः निन्हुयंकं ओपनींग सेरोमोनी कथं उलेज्या ज्याझ्वः जुइगु जानकारी बैगः रेष्टुरेन्टया संचालक सुविन श्रेष्ठं नेवाः अनलाईनन्यूजयात बियादीगु दु ।

नेवाः नसात्वसायात विशेष रुपं प्राथमिकता बियाः पलिस्था जूगु बैगः रेष्टुरेन्ट उलेज्या ज्याझ्वःया झ्वलय् चैत्र १३ गते शुक्रवाः युवा पुस्ताया म्येहालामि बिज्ञा डंगोललिसें नांजाःम्ह म्येहालामि राजेश महर्जन व थीथी म्येहालामिपिन्सं सांगितिक ज्याझ्वः न्ह्यब्वइगु संचालक सुविन श्रेष्ठं जानकारी बियादीगु दु ।

अथेहे, चैत्र १४ गते शनिवाः भ्वाईस अफ नेपाल सनिश श्रेष्ठलिसें थीथी कलाकारपिनिगु लाईभ म्यूजिक कन्सर्ट जुइगु जानकारी नं संचालक भाजु श्रेष्ठं बियादीगु दु ।

नकतिनि पलिस्था जूगु बैगः रेष्टुरेन्टं शुक्रवाः व शनिवाः निन्हुयंकं जुइगु उलेज्या ज्याझ्वलय् उपस्थितिया नितिं सकलसित इनाप याःगु दु ।

Categorized in बजाः