Header Nepal rastra bank Adv

किपुली राष्ट्रिय परिचय पत्र दर्ता न्ह्यात

नेवा: अनलाइन न्युज – ललेन्द्र शाक्य | २०७८ माघ ११, मंगलबार १४:५०:११

राष्ट्रिय परिचय पत्र व पंजीकरण विभागपाखें किपू नगरपालिकाय् राष्ट्रिय परिचय पत्रया नितिं नां दर्ता यायेगु ज्या थौं मंगलवाःनिसें न्ह्याःगु दु ।

थौं मंगलवाःनिसें किपू नगरपालिका ज्याकुथि भवनय् न्ह्याःगु राष्ट्रिय परिचय पत्र दर्ता ज्याझ्वलय् किपू नगरपालिकाया प्रमुख रमेश महर्जन व उपप्रमुख सरस्वती रिजाल खड्काया नां दर्ता व किपाः कयाः दर्ता ज्या न्ह्याकूगु खः ।

न्हिथं पीम्ह (४० म्ह) व्यक्तिया नां दर्ता यायेगु नगरपालिकाया प्रशासन प्रमुख जनक थापां जानकारी बियादीगु दु ।

कोरोना संक्रमण महामारीया इलय् भीड म्हो यायेत आःयात न्हिथं पीम्हेसिगु नां दर्ता यायेगु खँया जानकारी किपू नगरपालिकां ब्यूगु दु । अथेहे, तत्काल विदेश वनेमाःपिन्त न्हापांगु प्राथमिकता बिइगु जानकारी बिसें नगरपालिकां किपूया स्थानीय बासिन्दा नागरिकपिं व पिने जिल्लाया हकय् बसाई सराई व नेपाली नागरिकपिन्त उगु राष्ट्रिय परिचय पत्र बिइगु जानकारी ब्यूगु दु ।

गृहमन्त्रालयाखें पुजन महर्जनयात टोली प्रमुखया भाला बियाः किपू नगरपालिकाय् खटेयानाः हःगु खः ।

Categorized in स्थानिय-समाज