zero media family planning adv

किपुली दरबार दु कि मदु ? दरबार दूगु थाय् लायकुलिइ उत्खनन् याइगु

नेवा: अनलाइन न्युज – ललेन्द्र शाक्य | २०७७ चैत्र २५, बुधबार १२:०३:०५

किपुली दरबार दु कि मदु धैगु खँ सिइकेत दरबार दूगु थाय् लायकुलिइ उत्खनन् याइगु जूगु दु ।

सोमवाः संस्कृति पर्यटन व नागरिक उड्डयन मन्त्रालयया सहसचिव लक्ष्मीकुमार बस्नेत, राष्ट्रिय अभिलेखालयया नि. महानिर्देशक सौभाग्य प्रधानांग, पुरातत्व विभागया अधिकृत सुभद्रा भट्टराई व इन्जिनीयर शोभा महर्जनया पुचलं किपूया १ वडाय् च्वंगु लायकू क्षेत्र व देय् पुखू क्षेत्रया स्थलगत अध्ययन भ्रमण याःगु खः ।

उगु स्थलगत भ्रमणय् किपू नगरपालिकाया मेयर रमेश महर्जन, उपमेयर सरस्वती खड्का, वडा ल्याः १ या वडानायः लिसें किपू नगरपालिकाया फोहरमैला व्यवस्थापन विभाग प्रमुख हर्ष महर्जन, वडा ल्याः २ या वडानायः लिसें किपू नगरपालिकाया संस्कृति सम्पदा पर्यटन विभागया प्रमुख रमेशमान डंगोल, वडा ल्याः १० या वडानायः अमन महर्जन, किपू नगरपालिकाया बरिष्ठ लेखा अधिकृत सानुबाबु परियार लिसेलिसें थीथी व्यक्तित्वपिन्सं उगु भ्रमण पुचःयात किपूया विषयस जानकारी ब्यूगु खः ।

भ्रमण पुचलं न्हापा किपुली दरबार दूगु धैगु थाय् लायकूया छेँ ल्यूने उत्खनन् यायेत सम्बन्धित थाय् सिफारिस यायेगु व सम्बन्धित विशेषज्ञपिनिगु निगरानीइ उत्खनन् यायेगु किपू नगरपालिकां जानकारी ब्यूगु दु । किपू नगरपालिकां उत्खनन् जुइगु इलय् दरबारया अवशेषत लुयावःगु खण्डय् याकनं हे दरबारया आकार वइगु कथं दयेकेगु तकं जानकारी ब्यूगु दु ।

लुमंकेबहःजू, नेपालभाषा दरबारयात लायकू धाइ । गथेकि, लायकू=दरबार = रोयल प्यालेस ।

Categorized in स्थानिय-समाज