prabhu baink new

किपुली गुर्जो वितरण व बृक्षारोपण ज्याझ्वः

नेवा: अनलाइन न्युज – ललेन्द्र शाक्य | २०७७ आश्विन २८, बुधबार १४:११:५७

गुर्जो नियमित रुपं नये, निरोगी जुइ धैगु नारा थ्वयेकाः गुर्जो वितरण व बृक्षारोपण ज्याझ्वः जूगु दु ।

किपू नगरपालिकाया ग्वसालय् गुर्जोया विरुवा उपलब्ध याकादीम्ह कमलबहादुर राजलवटया सौजन्यय् पातंजल योग समितिया ऋषि लोहनीया संयोजनय् व योग विज्ञान शिविरया सहकार्यस उगु गुर्जो वितरण व बृक्षारोपण ज्याझ्वः जूगु खः ।

असोज २७ गते मंगलवाः किपूया १ वडा गःसि लागाया विष्णुदेवी अस्पताल न्ह्यःने जूगु उगु ज्याझ्वलय् किपू नगरपालिका १ वडाया वडाध्यक्षलिसें किपू नगरपालिकाया स्वास्थ्य, वातावरण, फोहरमैला व्यवस्थापन समितिया संयोजक हर्ष महर्जन मूपाहाँ कथं झायादीगु खः ।

उगु ज्याझ्वलय् किपू नगरपालिका २ वडाया वडाध्यक्ष लिसें किपू नगरपालिकाया सम्पदा पर्यटन विभागया प्रमुख रमेशमान डंगोललिसें किपू नगरपालिकाया थीथी वडाध्यक्षपिनिगु सहभागिता दूगु खःसा १० वडाया कार्यवाहक वडाध्यक्ष चिनीकाजी श्रेष्ठ, १० वडा दुजः हरिशरण महर्जन, कार्यपालिका दुजः संगीता श्रेष्ठ उप्रेती व दुजः मञ्जुर परियारपिनिगु नं उपस्थिति दूगु खः ।

गुर्जो वितरणर व बृक्षारोपण ज्याझ्वः सहकार्य याःगु योग विज्ञान शिविरया ज्ञानबहादुर महर्जन नेवाः, विणा श्रेष्ठपिनिगु नं उपस्थिति दूगु खःसा ज्याझ्वः किपू नगरपालिका वातावरण समितिया संयोजक ज्ञानबज्र महर्जनं संचालन याःगु खः ।

Categorized in स्थानिय-समाज