dudha jayanti 2568

कास्कीइ बस दुर्घटना : ७ म्ह घाःपाः

नेवा: अनलाइन न्युज – ललेन्द्र शाक्य | ने.सं. ११४४ चिल्लाथ्व तृतीया (२०८० चैत्र २९ गते) बिहिवाः

कास्कीया पोखरा महानगरपालिका वडा ल्याः २५ हेम्जाय् बस दुर्घटना जूगु दु । उगु बस दुर्घटनालय् लानाः न्हयम्ह घाःपाः जूगु दु ।

येँपाखें म्याग्दीया बेनीपाखे वनाच्वंगु ग२ख १६३० ल्याःया बस बिहिवाः सुथय् २ः५० ता इलय् हेम्जा सईखेतय् फातापुलाः दुर्घटना जूबलय् न्हयम्ह घाःपाः जूगु खः ।

घाःपाः जूपिं बाग्लुङया तमानखोला गाउँपालिका वडा ल्याः ३ तमान च्वनीम्ह २५ दँया रीता घर्ती, म्याग्दीया मालिका गाउँपालिका वडा ल्याः ५ देवीस्थान च्वनीम्ह ३० दँया भिमकुमार बुढा, वहे थासय् च्वनीम्ह ६ दँया निश्चल फगामी, २७ दँया निर्मला फगामी व ४६ दँया सुमित्रा फगामी खः ।

अथेहे, म्याग्दीया हे मालिका गाउँपालिका १ दरवाङ च्वनीम्ह ७२ दँया नरबहादुर पुन व वहे थासय् च्वनीम्ह ६५ दँया कृष्णकुमारी पुन नं घाःपाः जूगु जिल्ला प्रहरी ज्याकुथि कास्कीं जानकारी ब्यूगु दु । घाःपाः जूपिनिगु पोखराय् च्वंगु गण्डकी मेडिकल कलेजय् वासः जुयाच्वंगु दु ।

चालकं नियन्त्रण गुमेयाःबलय् बस सतकया खवगु साइडय् फातापूगु खः । वडा प्रहरी ज्याकुथि बगरया पुचलं घाःपाः जूपिनिगु उद्धार याःगु खः ।

बस चालक म्याग्दीया बेनी नगरपालिका वडा ल्याः ६ च्वनीम्ह ३२ दँया राजकुमार गैरेयात नियन्त्रणय् कयाः थप अनुसन्धान यानाच्वंगु प्रहरीं जानकारी ब्यूगु दु ।

Categorized in दुर्घटना-अपराध