kmc bidya

कार दुर्घटनाय् लानाः म्येहालामि निशान भट्टराई मन्त

नेवा: अनलाइन न्युज | २०७६ पौष २९, मंगलबार ११:३१:३२

नांजाःम्ह गजल गायक निशान भट्टराई सवारी दुर्घटनाय् लानाः मन्त ।

येँया दरबारमार्गय् च्वंगु बानथाई रेष्टुरेन्टं मंगलवाः बहनी थःगु छेँय् लिहाँ वनेगु झ्वलय् म्येहालामि निशान भट्टराई नं चलेयानावंगु कार तीनकुनेय् च्वंगु सतकया पोलय् ठक्कर नयाः दुर्घटना जूगु खः । उगु दुर्घटनाय् लानाः म्येहालामि भट्टराई तच्वकं घाःपाः जूगु खः । वधुंकाः वयात वासः यायेगु नितिं ट्रमा सेन्टर यंकूगु खःसा अन हे मदुगु खः ।

संगीतकार मिलन मोक्तानं दुर्घटनाय् घाःपाः जूम्ह भट्टराईयात ट्रमा सेन्टरय् वासः यायेगु नितिं यंकूसां नं चिकित्सकपिन्सं सीधुंकूगु घोषित याःगु जानकारी ब्यूगु दु ।

म्येहालामि निशान भट्टराई ४० या दशका अन्त्यपाखे अतिकं लोकंह्वाःम्ह खः । खासयानाः गजल गायकीया हुनिं वय्कः चर्चित जूगु खः । स्टेजलिसें होटल रेष्टुरेन्टतय्के वय्कलं गजल हालाः वयाच्वंगु खः ।

धरान स्थायी ठेगानाया निशान भट्टराई लोकंह्वाःम्ह म्येहालामि लोचन भट्टराईया किजा खः ।

Categorized in कला