नेवा: अनलाइन न्युज – ललेन्द्र शाक्य | २०७७ पौष १८, शनिबार १२:२२:३६

बाराया जितपुर सिमरा उपमहानगरपालिका १ आधारभार जंगल क्षेय् नीजि कारया ठक्करं छम्ह धुं (पाते बाघ) सीगु दु ।

हेटौंडां सर्लाही वनाच्वंगु बा१६च ८११ ल्याःया कारं लँ क्रस यानाच्वंम्ह वयस्क धुँयात थौं शनिवाः सुथय् ७ः२० ता इलय् ठक्कर नकूगु खः । कारया ठक्करं १० दँया पूर्ण वयस्क धुँ राजमार्गय् हे सीगु बारा प्रहरीं जानकारी ब्यूगु दु ।

कार चालक सर्लाहीया ५० दँया अजय मिश्र व धुँयात प्रहरीं राष्ट्रिय निकुञ्जयात जिम्मा ब्यूगु दु । सहायक संरक्षण अधिकृत रमेशकुमार यादवया कथं मिश्रयात हिरासतय् तयाः माःगु कारवाही न्ह्यःने यंकूगु दु ।

पाते बाघ नेपाःया संरक्षित वन्यजन्तुइ लाःम्ह जनावर खः ।

Categorized in दुर्घटना-अपराध