Newa Ekata Diwas Gosthi Adv

कात्ति प्याखंया बराह अवतारया मुकुट हिलीगु

नेवा: अनलाइन न्युज – विजयरत्न | २०७७ मङ्सिर १२, शुक्रबार ११:१४:३६

थौं शुक्रवाः व कन्हे शनिवाः निन्हु जक क्यनीगु

यलया मंगलय् कात्ति दबुसिइ दँय् दसं क्यनाः वयाच्वंगु कात्ति प्याखं थुगुसिइ थौं शुक्रवाः व कन्हे शनिवाः निन्हु जक क्यनीगु जुउगु दु ।

थ्वहे कात्ति प्याखनय् बराह अवतारयात थुगुसिइ न्हूगु मुकुटया नितिं यल महानगरपालिका १६ वडापाखें ग्वाहालि याःगु दु ।

न्हापा न्हापासा तःन्हुतक जुइगु थ्व प्याखं थुगुसिइ कोरोना महामारीया हुनिं निन्हु जक क्यनेत्यंगु खः। न्हापा लच्छितक क्यनीगु खःसा लिपा वना झीनिन्हु जक जुयावयाच्वंगु खः।

यल महानगरपालिका १६ वडां न्हूगु मुकुटया नितिं माःगु सकतां खर्च व्यहोरे याःगु धकाः कात्ति प्याखं संरक्षण समितिया कार्यकारिणी दुजः नापं प्रचार संयोजक सञ्जय शर्मां राजोपाध्यायं  जानकारी बिउगु दु।

काति प्याखं निरन्तरताया नितिं थगुने वडापाखें प्रतिबद्धता प्वंकूगुु कथं चेक हस्तान्तरण यायेत्यनागु खः धकाः यल महानगरपालिकाया १६ वडाया वडाध्यक्ष निर्मलरत्न शाक्यं जानकारी बियादीगु दु ।

कात्ति प्याखं ३८० दँ पुलागु प्याखं खः। उगु प्याखं यलया जुजु सिद्धिनरसिह मल्लं १६९७ य् थःगु शिक्षा गुरु हरिवंश राजोपाध्याय व तन्त्र गुरु विश्वनाथ राजोपाध्यायपिनिगु ग्वाहालिपाखें उगु प्याखं न्ह्याकूगु खः।

Categorized in नेवाः