coved ad

काठमाडौं सुनचाँदीया आयकरयात कयाः अन्तरक्रिया ज्याझ्वः

नेवा: अनलाइन न्युज – ललेन्द्र शाक्य | २०७८ पौष १२, सोमबार १६:२९:४०

काठमाडौं सुनचाँदी व्यवसायी संघं लुँ वहःया आयकर व्यवस्थायात कयाः शनिवाः अन्तरक्रिया ज्याझ्वः याःगु दु ।

नेपाल सरकारं करय् याःगु संशोधन सम्बन्धी विषययात कयाः थथे आयकर शिक्षा व अन्तरक्रिया ज्याझ्वः याःगु खः ।

संघया नायः सुरेश शाक्यया सभापतित्वय् जूगु उगु ज्याझ्वलय् मूपाहाँ कथं आयकर विभागया महानिर्देशक शोभाकान्त पौडेल झायादीगु खः ।

उगु ज्याझ्वलय् आयकर शिक्षायात कयाः व्यवसायीपिन्सं न्यंगू थीथी न्ह्यसःया लिसः विभागया निर्देशक मित्रलाल अधिकारी व शाखा अधिकृत प्रदीप रेग्मीं लिसः बियादीगु खः ।

ज्याझ्वलय् संघीय ल्यू दांभरी व ज्याझ्वःया कजि प्रमिल स्थापितं अन्तरक्रिया ज्याझ्वःयात कयाः थःगु नुगःखँ तयादीगु खः ।

उगु ज्याझ्वलय् नेपाल सुनचाँदी व्यवसायी महासंघया नायः माणिकरत्न शाक्य, महासंघया विशिष्ट दुजः मणिरत्न शाक्य, न्वकू लिसें निवर्तमान काठमाडौं सुनचाँदीया नायः महेन्द्ररत्न शाक्य, मूछ्याञ्जे धर्मसुन्दर बज्राचार्यपिन्सं लुँवहः व्यवसाय व आयकर सम्बन्धी विषयस थःथःगु नुगःखँ तयादीगु खः ।

Categorized in बजाः