nepal life 2076 3 18

कांग्रेसयात येँ महानगरय् छप्प यानाः यकेगु जुइः सभापति शाक्य

नेवा: अनलाइन न्युज | २०७८ आश्विन १७, आइतबार २२:०४:३६

नेपाली कांग्रेसया येँ महानगर कार्यसमितिया न्हूम्ह सभापति नीलकाजी शाक्य आः थःपिन्सं कांग्रेसयात येँ महानगर छप्प यानाः यकेगु 

ज्या यायेगु खँ कनादिगु दु ।

नेवाः अनलाइन न्यूज लिसें थौं जुगु निर्वाचन लिपा सभापति पदय् निर्वाचित जुइ धुंकाः खँल्हाबल्हा यासें उगु खँ कनादिगु खः । वयकलं प्रजातन्त्रया रक्षा व देयया नेतृत्व यायेगु निति कांग्रेस छप्प यानाः न्ह्याकेगु बिचाः प्वंकादिसें पार्टी दुने नेतृत्वया नितिं जुइगु चुनाव चुनाव क्वचायेवं सिदगु धासें थथे जुगु चुनाव नं प्रजातन्त्र वःगुलिं प्राप्त जुगु खँ कनादिगु दु लिसें वयकलं थःयात मत ब्यूपिं सकल दुजः पिन्त व थःगु बिचाः यात न्हयःने तयाः चुनावय् वःपिं सकसितं नं सभाय् देछानादिगु दु  ।

येँ महानगरपालिका २५ वडाया वडा अध्यक्ष नं जुादिम्ह शाक्य पुलाम्ह पार्टी कार्यकर्ता खःसा लिसें पुलाम्ह पब्लिक युथ कलेजया स्वबियू सभापति नं खः ।

थौं जुगु चुनावय् उपसभापतिमा सन्तकुमार महर्जन व सुशीला ढकाल, सचिवय् सुशन बैद्य व पुरुषोतम खकुरेल , सहसचिवय् विमला लामिछाने व अमृत मानन्धर निर्वाचित जुगु खः ।

Categorized in राजनीति