prabhu baink new

कलाकार आराध्यलक्ष्मीं थः गुरुयात हन

नेवा: अनलाइन न्युज | २०७७ आषाढ २१, आइतबार २०:५३:००

छम्ह हुलाप्याखंमिया रुपय् नांजाम्ह युवा पुस्ताया कलाकार आराध्यलक्ष्मी खडगीं नांजाम्ह  संकिपा च्वमि व संकिपा निर्देशक राजेशमान सिंयात थः गुरु भाःपिया थौं गुरु पुन्हिया लसताय् गुरु पुजा यासे हंगु दु । थौं पुल्चोकय् छगु ज्याझ्वःया दथुइ संकिपामि सिंयात थथे हंगु खःसा राजेशमान सिंभाजुं आराध्यलक्ष्मीया प्रतिभायात अझ च्वन्ह्याकेत ग्वाहालि यानादीगु गुण लुमंका दिल । 

आराध्यलक्ष्मीं थः मचाबलेनिसें हुलाप्याखनय् नुगः क्वसाम्ह जक मखसे थीथी स्कूलय् हुलाप्याखं स्यनामि जुया ज्या याना वया च्वंगु खःसां संकिपा विशेष याना म्युजिक भिडियोया निंतिं गथे याना हुलाप्याखं चिनेगु धइगु खँया ज्ञान निर्देशक सिंहं बियादीगु खँ कनादिसें वयकलं थःयात नेवाः संकिपा “लिबाय् धुंका”या माध्यमं संकिपाया पर्दाय् हिरोइनया रुपय् न्ह्यःने हःगु जक मखसे फिल्म एक्टिङ्ग धइगु छु खः धइगु स्यनादीगुलिं राजेशमान सिंयात गुरु धका हनागु खँ कनादिल ।

Categorized in कला