zero media family planning adv

कलाकःमि रुमन जोशीया मां मन्त

नेवा: अनलाइन न्युज – विजयरत्न | २०७७ आषाढ ६, शनिबार ०९:३६:४४

नेपालभाषा संकिपा ख्यःया छम्ह सक्रिय कलाकार लिसें संकिपा व प्याखं ख्यलय् छम्ह समाःमि (श्रृंगारकःमि) व हुलाप्याखं ख्यःया नांजाःम्ह हुलाप्याखंमि रुमन जोशीया मां अले छम्ह मचा कलाकारया रुपय् नांजाःम्ह नस्वाँ जोशीया अजि लक्ष्मी जोशी  वंगु बिहिवाः चान्हय् आकाझाकां मन्त ।

७२ दँ दुम्ह मदुम्ह जोशीया पित्तथैलीइ क्यान्सर जुइवं थनिं खुला न्ह्यः जक अपरेशन याःगु खः ।

नियमित रुपय् चिकित्सकया निगरानीइ च्वनाच्वंगु खःसां लिपांगु इलय् म्हय् चिनीया मात्रा म्हो जुइवं वंगु बिहिवाः मेडिसिटी अस्पताल यंकूगु  खःसा अन हे वासः याकाच्वंगु  इलय् हे मदुगु खः ।

मदुम्ह जोशीया काय् स्वम्ह व म्ह्याय् छम्ह दु । मदुम्ह जोशीया  म्हिगः शुक्रवाः हे पशुपतिइ अन्त्येष्ठि जूगु खः ।

Categorized in नेवाः