zero media family planning adv

कलाकःमि रवि महर्जनया अबुयात बिचाः हायेकल

नेवा: अनलाइन न्युज – ललेन्द्र शाक्य | २०७७ चैत्र २३, सोमबार १५:२८:२३

नेपालभाषा संकिपा ख्यलय् ताःई न्ह्यःनिसें छम्ह कलाकारिता व निर्देशनय् सकृय जुयाः वयाच्वंम्ह कलाकःमि रवि महर्जनया अबु श्याम महर्जन मदुगु दुखय् थीथी ख्यलं दुःख प्वंकाः बिचाः हायेकुगु दु ।

छम्ह संचारकःमिया रुपय् नं ज्या यानाः वयाच्वंम्ह रवि महर्जन थौंकन्हे बोधी टेलिभिजनलिसे स्वापू दुम्ह संचारकःमि खः ।

रविया अबु मदुगु दुःखय् विचाः हायेकेत नेवाः संकिपा पत्रकारिता ख्यःया न्ह्यलुवाः विजयरत्न असंबरें, नेवाः संकिपा मतिनामि पुचःया राजु राजदेव बज्राचार्य, बोधी टिभिया सहकःमिपिं रत्नकाजी महर्जन लूनिभाः व राजेन मानन्धरपिं छेँय् वनाः विचाः हायेकूगु खः ।

कलाकःमि रवि महर्जनया ८७ दँया अबु श्याम महर्जन वंगु शुक्रवाः २० गते आकाझाकां मदुगु खः । मदुम्ह श्याम महर्जनया  तधिकःम्ह काय् रवि महर्जन नापं याना निम्ह काय्  व जहान छम्ह दु । रवि महर्जनया अबुजु श्याम महर्जन मत्यवं मदुगु दुःखय् नेवाः अनलाइनन्युजपाखें दुःख प्वंकुसें मदुम्हेसिया आत्मा सुखावति भुवनस बासं च्वनेमा धकाः प्रार्थना यासें  बिचाः हायेकाः च्वना ।

Categorized in नेवाः