नेवा: अनलाइन न्युज | २०८० भाद्र ३१, आइतबार ११:२३:५६

ग्वाटेमालाया छम्ह प्रभावशाली नेताया न्हिनय् हे कलाःलिसें हत्या जूगु दु ।

राष्ट्रपति निर्वाचित पार्टीया राजनीतिज्ञ अनिबल रामिरेजया बिहिवाः मेक्सिकोया सीमा लिक्क गोली क्ययेकाः हत्या याःगु वया पार्टी व स्थानीय संचारमाध्यमं जानकारी ब्यूगु दु ।

राष्ट्रपति निर्वाचत बर्नार्डोअरे भालोया सेमिल्ला (सीड) पार्टीया नितिं पश्चिमी सहर सान पेड्रोनेक्टाया पूर्व उम्मेदवार रामिरेज व वया कलाः मर्सीमोरांसयात ज्याया झ्वलय् पिकअप भ्यानय् वनाच्वंगु इलय् गोली क्ययेकाः हत्या याःगु सीडं जानकारी ब्यूगु दु ।

नेता रामिरेज थःगु समुदाययात रुपान्तरण यायेत प्रतिबद्ध जूगु व सदां भ्रष्टाचारया निन्दाय् क्वाहाँ वयाच्वंगुलिं वलिसें वया कला मर्सीया हत्या जूगु सीडं धाःगु दु ।

उगु पार्टीं हत्याया दोषीपिन्त कारवाही यायेत माग याःगु दु । सीडया नेता अरेभालों वंगु महिना अप्रत्याशित रुपं राष्ट्रपति  पदया चुनाव त्याकेधुंकाः ग्वाटेमालाया अधिकारीपिन्सं तःक्वःमछि व वया पार्टीविरुद्ध कारवाही यायेत कानूनी माध्यम छ्यसें वयाच्वंगु दुसा विपक्षी व माफियां हिंसाया लँपु तकं ज्वंगु दु ।

Categorized in अन्तर्राष्ट्रिय