coved ad

कलंकीइ टिपरया ठक्करं मोटरसाइकल चालक सित

नेवा: अनलाइन न्युज – ललेन्द्र शाक्य | २०७८ पौष २५, आइतबार १६:३०:४८

येँया कलंकीइ टिपरया ठक्करं मोटरसाइकलय् च्वनावःम्ह छम्ह मनू सीगु दुसा मेम्ह छम्ह तच्वकं घाःपाः जूगु दु ।

बा४ख ६८४३ ल्याःया टिपरं बा१ब ५४०१ ल्याःया मोटरसाइकलयात वंगु बहनी ९ः४५ ता इलय् ठक्कर नकूगु खःसा उगु ठक्करं मोटरसाइकल चालक बझाङया थलारा छेँ दुम्ह व यलय् च्वनाच्वंम्ह २४ दँया बसन्त विष्ट सीगु खः ।

दुर्घटनाय् लानाः तच्वकं घाःपाः जूम्ह मोटरसाइकल चालक विष्ट वासः यायेगु झ्वलय् कलंकीइ च्वंगु शहिद मेमोरियल अस्पतालय् सीगु प्रहरीं जानकारी ब्यूगु दु ।

वहे दुर्घटनाय् लानाः घाःपाः जूम्ह बझाङया हे चैनपुर छेँ दुम्ह व आः यलया धोविघाट च्वनाच्वंम्ह २६ दँया निखिल बमया महांकालय् च्वंगु राष्ट्रिय ट्रमा सेन्टरय् वासः जुयाच्वंगु दु ।

टिपरलिसें चालकयात नियन्त्रणय् कयागु प्रहरीं जानकारी ब्यूगु दु ।

Categorized in दुर्घटना-अपराध