zero media family planning adv

कर्णाली सरकारपाखें एमालेया मन्त्रीपिन्सं बिल राजीनामा

नेवा: अनलाइन न्युज – ललेन्द्र शाक्य | २०७७ चैत्र २४, मंगलबार १३:५६:१२

कर्णाली प्रदेश सरकारय् दुपिं नेकपा एमालेया स्वम्ह मन्त्रीपिन्सं थौं मंगलवाः मंकाः कथं राजीनामा ब्यूगु दु ।

माओवादी केन्द्रया नेता महेन्द्रबहादुर शाही नेतृत्वया सरकारय् एमाले माध पक्षय् दुपिं आर्थिक मामिलामन्त्री प्रकाश ज्वाला, सामाजिक विकासमन्त्री दल रावल व वन लिसें वातावरणमन्त्री नन्दसिंह बुढां राजीनामा ब्यूगु खः ।

संसदीय दलया आइतवाः च्वंगु बैठकं मुख्यमन्त्री शाही नेतृत्वया सरकारय् दुपिं स्वम्ह मन्त्रीपिन्त तत्काल राजीनामा बिइत निर्देशन ब्यूगु खः । स्वम्ह मन्त्रीपिन्सं पार्टी निर्देशन कथं मंकाः कथं राजीनामा घोषणा याःगु खः ।

थ्वसिबें न्ह्यः वंगु चैत्र ४ गते एमालें कर्णाली प्रदेश सरकारयात ब्यूगु समर्थन लितकायेगु निर्णय याःगु खः । तर, माधव नेपाल समूहया सांसदपिन्सं थःपिन्सं समर्थन लितमकयागु धयाः वयाच्वंगु खः ।

Categorized in राजनीति