nepal investment baink

कराते कासामि एरिका गुरुङयात अमेरिकाय् छगू स्वर्ण व छगू रजत

नेवा: अनलाइन न्युज – ललेन्द्र शाक्य | ने.सं. ११४४ चिल्लागा सप्तमी (२०८० चैत्र १९ गते) सोमवाः

नेपाली कराते कासामि एरिका गुरुङं अमेरिकाय् जूगु युएस ओपन इन्टरनेशनल कराते च्याम्पियनसिपय् छगू स्वर्णव छगू रजत त्याकूगु दु ।

१९ क्वःगु एसियाडया रजत विजेत एरिका गुरुङं यू–२१ इलिटपाखे मिसा ६८ केजी च्वय् तौल समूहस स्वर्ण त्याकूगु खः । वंगु चान्हय् जूगु कासाय् एरिकां क्यानेडेली कासामियात ९–० अन्तरं बुकूगु खः ।

अथेहे, सिनियर इलिटया ६८ केजी च्वय् धाःसा एसिका फाइनलय् बुनाः ल्यू लाःगु खः । सोमवाः सुथय् क्वचाःगु फाइनलय् एरिका अमेरिकी कासामिलिसेया धेंधेंबल्ला कासाय् ३–२ अन्तरं बूगु खः ।

नेपाःपाखें सहभागी मेम्ह कासामि विप्लपलाल श्रेष्ठ धाःसा सेमिफाइनलय् हे थाःगु खः । नेपाली पुचःया प्रशिक्षकय् दीपक श्रेष्ठ व कुशल श्रेष्ठ खः ।

Categorized in कासा