Newa Ekata Diwas Gosthi Adv

कम्युनिष्ट पार्टीइ गद्दार व तानाशाह नं जन्म जुइगु जुयाच्वन : अष्टलक्ष्मी शाक्य

नेवा: अनलाइन न्युज – ललेन्द्र शाक्य | २०७७ पौष २९, बुधबार १५:५०:२३

नेकपा प्रचण्ड व माधव समूहया नेतृ अष्टलक्ष्मी शाक्यं काम चलाऊ सरकारया प्रधानमन्त्री केपी शर्मा ओलीं देसय् दुतहःगु प्रतिगमन सतकं सच्चेयायेगु धाःगु दु । प्रज्ञाभवनय् जूगु थुगु समूहया येँ जिल्ला भेलाय् शाक्यं प्रतिगमन सच्चेयायेगु लिसें ओलीयात नं पुलिं चुइकेगु ख्याच्वः ब्यूगु दु ।

नेतृ शाक्यं धाःगु दु, म्हिगः नं निरंकुशविरुद्ध ल्वानागु खः । शासकयात पुलिं चुइत वाध्य यानागु खः । आः केपी ओली तानाशाह नं पुलिं चुइमाली तिनि ।
शाक्यं ओलीयात गद्दार व तानाशाहया संज्ञा ब्यूगु दु ।

शाक्यं धाःगु दु, गद्दार व तानाशाह नं जन्म जुइगु जुयाच्वन कम्युनिष्ट पार्टी दुने । आः झीसं थुकिं पाठ सयेकेमाः ।

पार्टीइ तानाशाही प्रवृत्ति सिबें नं ज्याया उचित मूल्यांकन यायेगु प्रवृत्ति विकास यायेमाःगु शाक्यं धाःगु दु । आः ओलीं लोभलालच क्यनाः कम्युनिष्ट आन्दोलनयात कमजोर यायेगु ज्या यानाच्वंगु दु ।

Categorized in राजनीति