nepal life 2076 3 18

कम्युनिष्टदथुइ हाकनं एकता यानाः वइगु चुनावय् वनेमाः –मुख्यमन्त्री शाक्य

नेवा: अनलाइन न्युज – ललेन्द्र शाक्य | २०७८ कार्तिक ३, बुधबार १४:३३:११

बागमती प्रदेशया मुख्यमन्त्री अष्टलक्ष्मी शाक्यं कम्युनिष्ट पार्टीदथुइ हाकनं एकता यानाः वइगु चुनावय् वनेमाःगु धाःगु दु ।

नेकपा एमाले बागमती प्रदेश अधिवेशन आयोजक कमिटीया न्हापांगु बैठकया उलेज्या सत्रय् न्वःवासें मुख्यमन्त्री शाक्यं जनादेश कथं हाकनं सशक्त एमाले दयेकाः छिन्नभिन्न कम्युनिष्टयात एकताय् हयाः समृद्धि व समाजवादया यात्राय् वनेमाःगु धाःगु दु ।

मुख्यमन्त्री शाक्यं धाःगु दु, ‘एमाले कुचा जुइगु आवश्यक मदूगु खः । एमाले कुचा जूगुलि कार्यकर्ताया दोष मदु ।’

मुख्यमन्त्री शाक्यं प्रदेश सरकार विपद् व्यवस्थापन कोष पलिस्था यानाः खुसिबाः चलखय् लाःपिन्त ग्वाहालि यानाच्वंगु जानकारी बिसें थःपिन्सं मन्त्रीया आचारसंहिता दयेकाः ज्या यानाच्वनागु धाःगु दु ।

बैठकय् नेकपा एकीकृत समाजवादीया केन्द्रय दुजः प्रेम महर्जन यल, भङक कँडेल रामेछाप एमालेय् दुहाँ वःगु एमाले बागमती प्रदेश नायः आनन्द पोखरेलं जानकारी ब्यूगु दु ।

Categorized in राजनीति