zero media family planning adv

कम्प्युटर व ल्यापटप माःला ? लक्ष्मी बैंकं बिइ

नेवा: अनलाइन न्युज – ललेन्द्र शाक्य | २०७७ आषाढ ४, बिहिबार ११:५७:५३

लक्ष्मी बैंकं ल्यापटप, कम्प्युटरलिसें सम्बन्धीत उपकरणतय्गु खरिदया नितिं ग्राहकपिन्त सुपथ व्याजदरय् सरल कर्जा सुविधाया पलाः न्ह्याकूगु दु ।

थ्व सुविधा अन्तर्गत योग्य ग्राहकपिन्त खरिद मूल्यया १०० प्रतिशततकया कर्जा शून्य प्रतिशत शुल्क व न्यूनतम १२ प्रतिशत वार्षिक ब्याजदरय् प्रदान याइ ।

थ्व सुविधा आः एसर, एप्सन, डेल व एप्पल ब्राण्डया ल्यापटप व कम्प्युटर उपकरणय् उपलब्ध दु । ग्राहकपिन्त थप छनौटया सुविधा बिइत निकट भविष्यय् हे मेमेगु ब्राण्डत नं थप यानाः यंकेगु बैंकया योजना दु ।

कोभिड १९ रोकथामया नितिं छ्यःगु लकडाउनया हुनिं छेँपाखें ज्या यायेमाःगु न्हूगु लकसया सिर्जना जूगु दु ।

पिने जुइगुलि प्रतिबन्ध तःगु परिणाम स्वरुप शैक्षिक संस्था व ज्याकुथित बन्द जूगु स्थितिइ विद्यालय व कलेजय् अनलाइन कक्षा संचालन यायेगु व व्यवसायी लिसें कर्मचारीपिन्सं छेँपाखें हे ज्या यायेगु अवधारणाया विकास जूगु दु । आवश्यकतायात मध्यनजर यासें थुगु योजना हःगु बैंकं धाःगु दु ।

Categorized in बजाः