Header Nepal rastra bank Adv

कन्हय् शुक्रवाः कीर्तिपुर सिंगिङ आइडल ११४२ या कराओके राउण्ड कासा

नेवा: अनलाइन न्युज – ललेन्द्र शाक्य | २०७८ मङ्सिर ९, बिहिबार १५:२३:१५

किपू नगरपालिकाया ग्वसालय् किपू नगर दुनेया १५ दँनिसें ३० दँ उमेरतकया न्हूपिं प्रतिभापिनिगु सांगितिक ख्यः उजागर यायेगु आज्जुं न्ह्यानाच्वंगु कीर्तिपुर आइडल ११४२ या निगूगु चरणया धेंधेंबल्ला कथं कन्हय् ने.सं. ११४२ कछलागा सप्तमी (मंसीर १० गते) शुक्रवाः न्हिनसिया २ ता इलय् कराओके राउण्ड कासा जुइगु जूगु दु ।

किपूया २ वडा द्यःध्वाखा न्याम्हासिमा लागाय् च्वंगु नेपालभाषा एकेदेमिया हलय् जुइगु उगु कराओके कासाय् मुक्कं १९ म्ह कासामिपिं दुथ्याःगु जूसां छम्ह कासामि विदेशय् वनेधुंकूगुलिं आः १८ म्ह कासामिपिन्सं थःथःगु प्रतिभा न्ह्यब्वइगु जूगु दु ।

कन्हय् शुक्रवाः जुइगु निगूगु चरणया कराओके राउण्ड कासाय् १८ म्ह कासामिपिंमध्ये पाखें टप टेन कथं १० म्ह कासामिपिं ल्यइगु जूगु दुसा च्याम्ह कासामिपिं आउट जुइ ।

टप टेन कथं ल्यंपिं झिम्ह कासामिपिनिगु दथुइ कीर्तिपुर सिंगिङ आइडल ११४२ या ग्राण्ड फिनाले कथं लाइभ बाजाय् कासामिपिन्सं म्ये हालेमाःगु दकले लिपांगु कासा जुइ ।

कीर्तिपुर सिंगिङ आइडल ११४२ य् न्हाप लाःम्ह प्रतिभा कलाकारयात न्ययद्वः तका दांया सिरपाःलिसें मेडल ट्रफी लःल्हाइगु जूगु दुसा ल्यू लाःम्हेसित पीद्वः तका दांया सिरपाःलिसें मेडल ट्रफी लिसें लियांल्यू लाःम्हेसित स्वीद्वः तका दांया सिरपाः व मेडल ट्रफी लःल्हायेगु ग्वसाः किपू नगरपालिकां ग्वयातःगु दु ।

कन्हय् शुक्रवाःया निगूगु चरणया कराओके राउण्ड संचारकःमि ललेन्द्र शाक्यं न्ह्याकीगु जानकारी ग्वसाः खलः किपू नगरपालिकां ब्यूगु दु ।

Categorized in कला