Mohanai 2078 KTM

कन्हय् बिहिवाःनिसें अदालतय् मोहनी विदा

नेवा: अनलाइन न्युज – ललेन्द्र शाक्य | २०७८ आश्विन २०, बुधबार १४:४३:५८

बन्दी प्रत्यक्षीकरण रिटया धाःसा सुनुवाई जुइगु

कन्हय् ने.सं. ११४१ कौलाथ्व पारु (असोज २१ गते) बिहिवाःनिसें देय् न्यंकंया अदालतय् मोहनी विदा सुरु जुइगु जूगु दु  । असोज २१ निसें  कार्तिक ३ गतेतक  अदालत बन्द जुइगु सर्वोच्च अदालतया उपरजिष्ट्रार देवेन्द्र ढकालं जानकारी ब्यूूगु दु ।

मेमेगु सरकारी ज्याकुथिइ नःलास्वने पारुनिसें खुन्हुतक सार्वजनिक विदा जुइगु जुयाच्वंगु दु । तर अदालतय् धाःसा १५ न्हु विदा जुइ । तर मोहनी विदाया अवधिइ नं बन्दी प्रत्यक्षीकरणया रिटया धाःसा सुनुवाई जुइ ।

नःलास्वने पारु, शनिवा: व विजयादशमीया दिं बाहेकया मेगु दिनय् बन्दी प्रत्यक्षीकरणया रिट सुनुवाई यायेत सुथय् ११ ता ईनिसें न्हिनय् ३ ता ईतक अदालत खुल्ला जुइगु उपरजिष्ट्रार ढकालं जानकारी ब्यूगु दु ।

Categorized in राजनीति