city axpris 2

कतार विश्वकप : फ्रान्स नं फाइनलय्

नेवा: अनलाइन न्युज – ललेन्द्र शाक्य | २०७९ मङ्सिर २९, बिहिबार ११:१८:२५

कतारय् जुयाच्वंगु फिफा विश्वकप फुटबलया उपाधिया नितिं साविक विजेता फ्रान्स प अर्जेन्टिनाया भिडन्त जुइगु जूगु दु ।

बुधवाः चान्हय् जूगु निगूगु सेमिफाइनल कासाय् मोरोक्कोयात २–० गोलअन्तरं बुकुसें फ्रान्सं फाइनलय् अर्जेन्टिनालिसे भिडन्त यायेगु पक्का याःगु खः ।

अर्जेन्टिना न्हापांगु सेमिफाइनल कासाय् क्रोएसियायात ३–० गोलअन्तरं बुकुसें उपाधि दाबेदार जुइत ताःलाःगु खः । आः निगू टोली उपाधिया नितिं आइतवाः लुसाइल आइकोनिक स्टेडियमय् आमनेसामने जुइगु जूगु दु ।

रसियाय् जूगु लिपांगु संस्करणया विजेता फ्रान्स उपाधि रक्षा यायेगु आज्जुइ दुसा अर्जेन्टिना स्वक्वःगुखुसि उपाधि त्याकेगु दाऊलय् दु ।

फ्रान्स सन् २००२ स ब्राजिल लिपा मदिक्क निक्वःगुखुसि फाइनल म्हितीगु न्हापांगु टोली जूगु दु । फ्रान्सया थ्व प्यक्वःगु विश्वकप फाइनल जुइगु जूगु दु । थुखे अर्जेन्टिना धाःसा खुक्वःगुखुसि विश्वकपया फाइनलय् क्वाहाँ वइगु जूगु दु ।

Categorized in कासा