city axpris 2

कतार विश्वकप : थौं आइतवाः उपाधिया नितिं अर्जेन्टिना व फ्रान्सया फाइनल कासा

नेवा: अनलाइन न्युज – ललेन्द्र शाक्य | २०७९ पौष ३, आइतबार १४:२६:४६

कतारय् जुयाच्वंगु फिफा विश्वकप फुटबलया उपाधिया नितिं थौं आइतवाः अर्जेन्टिना व फ्रान्स दथुइ भिडन्त जुइगु जूगु दु । अर्जेन्टिना व फ्रान्स न्हापांगुखुसि विश्वकपया फाइनल कासा म्हितेत्यंगु खः ।

अर्जेन्टिना न्हापांगु सेमिफाइनल कासाय् क्रोएसियायात ३-० गोलं व फ्रान्स निगूगु सेमिफाइनल कासाय् मोरोक्कोयात २-० गोलअन्तरं बुकाः फाइनलय् थ्यंगु खः ।

फ्रान्स विश्वकपया साविक विजेता टोली नं खः । अथेहे, विश्वकपय् च्यादँ लिपा फाइनल कासाय् थ्यंगु अर्जेन्टिना सन् १९८६ लिपा विश्वकपया उपाधि त्याकेगु सुरय् दु ।

थौं आइतवाःया कासा नेपाली ई कथं बहनी ८ः४५ ता इलय् कतारया लुसेल मैदानय् जुइगु जूगु दु ।

Categorized in कासा