Arin Enterprises

कतारय् रंगशाला निर्माणया झ्वलय् १,६४१ म्ह नेपाःमि सित

नेवा: अनलाइन न्युज – ललेन्द्र शाक्य | २०७९ मङ्सिर २, शुक्रबार १३:४२:२५

कतारय् थ्वहे नोभेम्बर २० (मंसीर ४ गते) निसें फिफा विश्वकप फुटबल कासा सुरु जुइत्यंगु दुु । थुकिया नितिं भव्य तयारी जूगु दु ।

कासा न्ह्याइगु रंगशालाया सजावट व कलाकारितां रौनक थप जूगु दु तर वहे रंगशाला निर्माणया झ्वलय् ज्यान गुमेयाःपिं परिवार वा अंगभंग वा दीर्घरोगी जुया वा क्वःछ्यूगु तलब सुविधा कायेमखनाः लिहाँँवःपिं श्रमिकपिनिगु रोदन अतिकं दर्दनाक जू ।

रंगशाला निर्माणया झ्वलय् आपाल. आप्रवासी श्रमिक ज्याकःमिपिन्सं हिचःति हायेकूगु दु व पीडा भोगेयाःगु दु । उकी नेपाःमि श्रमिकया ल्याः नं आपालं दु । थ्वहे मध्येया छम्ह खः, मकवानपुर शिखरपानी ज्ञ५ या निर्मला पाख्रिन ।

निर्मलाया २२४ दँया भाःतं कतारय् रंगशाला निर्माणया हे झ्वलय्् ज्यान गुमेयात । चीधिकःम्ह काय् व कलाःया लालनपालन व विदेशय् कमेयानाः स्वदेशय् वयाः छुं यायेगु म्हगस इनाः विदेश वंम्ह निर्मलाया भाःतं कतार वंगु झिलाया दुने हे जीवन गुमेयात । रंगशाला निर्माणया न्हिथं १४ घौतक ज्या यायेमाः । न धाःगु ज्या खः, न तलब हे ।

ढलान यानातःगु पीच तःछ्यायेगु ज्या न्हिनय् ५० निसें ५२ डिग्री सेल्सियसया तापक्रमय् यायेमाः, नयेगुया खँ ला छु लः तकं प्याःचाः लंक त्वने मदु धाःगु दु । भाःत सीगुसिबें छन्हु न्ह्यः जक फोनय् खँल्हाबल्हा जूगु खः । वहे लिपांगु ई जुल, मेगु दिं न्हिनय् ला सीगु खबर वल, निर्मला पाख्रिनं न्यंकल ।

रोजगारदाता कम्पनीं सीम्हलिसें छ्वयाहःगु रिपोर्टय् सीगुया हुनिं प्राकृतिक धयातःगुु दु । ल्ल्वय् मदुम्ह मनूया गुकथं प्राकृतिक मृत्यु जुइ, प्रतिप्रश्न यासें निर्मला धाल, ‘संसारन्यंकं कासामि वइगु रंगशाशला निर्माणय् भाःतया ज्यान वन । जिमित क्षतिपूर्ति माः ।’

कतारय् विश्वकप फुटबलल सुरु जुइ हे त्यंबलय् कतारया रंगशालाया पूर्वाधार दयेकेगु झ्वलय् सीपिं, तच्वकं घाःपाः जूपिं, ज्यालापाखें बञ्चित जूपिं श्रमिक व परिवारयात क्षतिपूर्र्ति बिइत अन्तर्राष्ट्रिय मानव अधिकारकःमिपिन्सं फिफा व कतारयात दबाब बियाः वयाच्वंगु दु ।

अथेला कार्यस्थथलय् वा सतक दुर्घटनाय् लानाः ज्यान गुमेयाःपिं परिवारं क्षतिपूर्ति कायेखनीगु ब्यवस्था दु तर निर्मलाया भाःत कार्यस्थलय् हे सीगु खः  तर वं आःतक क्षतिपूर्ति कायेखंगु मदुनि ।

निर्मलाया भाःतथें कतारय् रंगशाला निर्माणया झ्वलय् सन् २०१० निसें २०२१ तक १,६४१ म्ह नेपाःमि सीगु तथ्यांक अन्तर्राष्ट्रिय मानव अधिकारवादी संस्था एम्नेष्टी इन्टरनेशनलं जानकारी ब्यूगु दु ।

एम्नेष्टी इन्टरनेशनलया छगू अध्ययन कथं कतारय् कासा मैदान दयेकेगु झ्वलय् थीथी देशया ६,७५० म्ह श्रमिकया ज्यान वंगु व वसिबें अप्वः दोब्बर ल्याःया श्रमिक घाःपाः व अपांग जूगु सीदूगु दु ।

उगु प्रतिवेदन कथं कतारया कासा मैदान दयेकेत ज्या यायेगु झ्वलय् १,६४१ म्ह सीगु दु । अथेहे, भारतीय २,७११ म्ह, बंगलादेशया १,०१८ म्ह, पाकिस्तानया ८२४ म्ह व श्रीलंकाया ५५७ म्ह श्रमिकपिं सीगु तथ्यांक दु ।

Categorized in अन्तर्राष्ट्रिय