zero media family planning adv

कण्डम न्यायेत मछाः बेलायतीत

नेवा: अनलाइन न्युज | २०७२ आश्विन ३०, शनिबार १२:३८:१५

सुरक्ष्ँित यौनस्वापू व कण्डमया छ्यला अप्वयेकेगु नितिं बेलायतय् छगू न्हूगु रेष्टुरेन्ट चायेकूगु दु, तर अथे नं यक्व मनूत कण्डम न्यायेत न्ह्यमच्यू । क्याबिज एण्ड कण्डोम छगू थाई रेष्टुरेन्ट खः, गन नसाया लिसें गर्भ पनीगु वासः नं बीगु याइ । रेष्टुरेन्टया अंगलय् नं कण्डमं छाय्पियातःगु दु । थुगु रेष्टुरेन्टं जुइगु फुक्कं नाफा थाइल्याण्डय् यौन शिक्षा व एड्सया रोकथाम ज्याझ्वःयात बीगु यानावयाच्वंगु दु । थाईल्याण्डं पिने न्हापांखुसी थुगु रेष्टुरेन्टया शाखा चायेकूगु खः ।
बेलायतय् थौंतक नं खुल्लारुपं कण्डम न्यायेत मनूत न्ह्यमज्यू व यौनया बारे आमरुपं ख“ल्हाबल्हा याइमखु । अथे ला बेलायतया पसलय् थीथी नस्वाःवःगु थीथी कण्डम मीगु ज्या जू । थथे कण्डम न्यायेत मनूत छाय् लिचिलीगु धइगु सम्बन्धय् फ्यूजन कण्डम्सं थःगु छगू सर्वेक्षणय् ब्वति काःपिं ५६ प्रतिशत मनूत कण्डम न्यायेत लज्या चाइगु धाःगु दु । थुके मिसा व मिजं निथी नं लाः ।
बेलायतय् अनलाइन अर्डर यानाः छे“य् हे कण्डम न्याये फइगु सुविधा नं दु । थुकिया हुनिं वंगु प्यद“य् कण्डम मीगु  नं अप्वःगु दु । तर थन नं मनूतय्त कण्डम न्यायेत थाकु चाः । अनलाइन कण्डमया सुविधा बीगु कम्पनीया प्रबन्ध निर्देशक एलेक्स ग्रीनया कथं थःपिसं थीथी आकारया कण्डम मीगु ज्या यानागु जूसां न्याइपिं अनलाइन कण्डम न्यायेत तकं मछालीगु धाःगु दु । ग्रीनं कण्डम सादा प्याकिङ्ग जुइगु धासें थुकिया हुनिं प्याकेटं दुने कण्डम दु धका मेपिसं मसीमा धकाः खः धाःगु दु ।
मनो–चिकित्सक फिलिप होडसनयाकथं बेलायती मनूत थ्व सम्बन्धय् अजूचायापुपिं धाःगु दु । वं कण्डमया विषयलय् ल्याय्म्हतय्त ब्वंकेमाः धाःगु दु ।