kmc bidya

कञ्चनपुरय् बलात्कार यायेत ५० तका, म्हतु प्वाः तिकेत १० लख !

नेवा: अनलाइन न्युज – ललेन्द्र शाक्य | २०७७ बैशाख २६, शुक्रबार १९:०९:३५

कञ्चनपुरय् १५ दँया मिसामचायात बलात्कार याःगु द्वपनय् ६८ दँया बृद्ध गिरफ्तारीइ लाःगु दु ।

जिल्लाया भीमदत्त नगरपालिका ज्ञज्ञ भुजेलाया तारादत्त जोशीयात जिल्ला प्रहरी ज्याकुथि कञ्चनपुरं गिरफ्तार याःगु खः ।

मिसामचायात ५० तका दां बियाः बलात्कार याःगु पीडित पक्षं प्रहरीयात धाःगु दु । बलात्कारीं घटना सार्वजनिक मयायेत धासें पीडित पक्षयात १० लख तका दां ब्यूगु प्रहरीं धाःगु दु ।

पीडित पक्षयात ब्यूगु १० लख तका दांया चेकलिसें प्रहरीं नियन्त्रणय् काःगु खः ।

जिल्ला प्रहरी ज्याकुथि कञ्चनपुरया प्रवक्ता रवीन्द्र पौडेलं घटनाबारे अनुसन्धान जुयाच्वंगु धाःगु दु । पौडेलं धाःगु दु, “५० तका दां बियाः बलात्कार याःगु व घटना मिलेयायेत १० लख तका दांया चेक ब्यूगु लुयावःगु दु । अनुसन्धानया ज्या लिपांगु चरणय् थ्यंगु दु ।”

बैशाख २ गतेया घटना जूसां नं उगु घटनाया जानकारी लिपालाक्क प्रहरी न्ह्यःने थ्यंगु खः ।

Categorized in दुर्घटना-अपराध