2565 buddha Jayanti ADV

कञ्चनपुरय् अवैध सिँलिसें फर्निचर उद्योग संचालक ज्वन

नेवा: अनलाइन न्युज – ललेन्द्र शाक्य | २०७८ जेठ २६, बुधबार १५:३८:०३

कञ्चनपुरय् तःधंगु परिमाणया अवैध सिँलिसें फर्निचर उद्योग संचालकयात ज्वंगु दु ।

प्रहरीं ज्वंम्ह धनगढी जिल्लाया भीमदत्त नगरपालिका १० जिमुवाय् च्वंगु हुनैनाथ फर्निचर उद्योगया संचालक २६ दँया रमेश भट्ट खः ।

जिल्ला प्रहरी ज्याकुथिया प्रवक्ता प्रहरी नायव उपरीक्षक अमरबहादुर थापां गोप्य सुचंया आधारय् उद्योगय् खानतलासी याःबलय् ३४०.४१ क्यूफिट अँ, टुडी, मसला, सिसम लिसेंया अवैध सिँ बरामद यानागु जानकारी ब्यूगु दु ।

बरामद याःगु सिँलिसें संचालक भट्टयात माःगु कारवाहीया नितिं जिल्ला सव डिभिजन वन ज्याकुथिइ लःल्हाःगु प्रहरी नायव उपरीक्षक थापां धाःगु दु ।

अथेहे, बुधवाः सुथय् प्रहरीं बेलौरी नगरपालिका वडा ल्याः ४ पाखें तकं बेवारिसे अवस्थाया सिँ बरामद याःगु दु ।

प्रवक्ता प्रहरी नायबउपरीक्षक थापाया कथं ८.४७ क्यूफिट सिँ बरामद याःगु खः । उगु सिँ माःगु कारवाहीया नितिं सव डिभिजन वन ज्याकुथि पचकडियाय् लःल्हाःगु प्रहरीं जानकारी ब्यूगु दु ।

Categorized in दुर्घटना-अपराध