2565 buddha Jayanti ADV

कंसाकार मदुगुलिं नेवाः राष्ट्रिय आन्दोलनं बिचाः हायेकल

नेवा: अनलाइन न्युज | २०७८ जेठ १९, बुधबार २०:४५:१७

नेवाः राष्ट्रिय आन्दोलनं छगू शोक वक्तव्य पित बिसें राष्ट्रिय आन्दोलनया दुजः, वरिष्ठ पत्रकारलिसें नेवाः न्ह्यलुवा सुशिलवीर सिंह कंसाकार  बैशाख १८ गते ५८ दँय् आकाझाकां मदुगु खँ न्यनाः आन्दोलनया सकल जः मर्माहत जूगु खँ न्ह्यथंगु दु । 

नेवाः राष्ट्रिय आन्दोलनया नायः राजभाइ जकःमिं ल्हाचिं तयाः पितब्यूगु उगु शोक वक्तव्यय् कंसाकारं आन्दोलनयात धिसिलाक्क न्ह्याकेगु व नेवाःतय्गु सःयात बुलन्द यानाः थ्वयेकेगु निंतिं थुगु संस्थायात सक्रिय व क्रियाशील याये माल धइगु मनंतुना दीम्ह वय्कः मदयाः आन्दोलनयात हे तःधंगु क्षति जूवंगु तायेकाखँ न्ह्यथंसें नेपालभाषा व नेवाः आन्दोलनया ख्यलय् वय्कलं बियादीगु योगदानया हुनिं वय्कःया नश्वर देह मदुसां नं वय्कः न्ह्याबलें अजर व अमर जुया च्वनी  धकाः न्ह्यथंनातःगु दु ।

Categorized in नेवाः