prabhu baink new

ओली सरकारय् नेवाः समुदाय बहिष्कृत

नेवा: अनलाइन न्युज – ललेन्द्र शाक्य | २०७७ भाद्र १४, आइतबार १५:०४:५६

राजधानीया आदिवासी पुष्पलला श्रेष्ठं पलिस्था याःगु राजनीतिक पार्टी नेपाल कम्युनिष्ट पार्टीया थ्यंमथ्यं दुई तिहाइ बहुमतया सरकार दूगु इलय् नेवाः समुदायया उपस्थिति अतिकं कमजोर खनेदूगु दु । पार्टीया नेतृत्व तहनिसें हे राजधानीया आदिवासी नेवाः समुदाय बहिष्कृतथें जुयाः वयाच्वंगु दु ।

पुष्पलालया लिसें नेपाल कम्युनिष्ट पार्टी पलिस्था याःपिं नरबहादुर कर्मचार्य, निरञ्जन गोविन्द बैद्य व नारायण विलाश जोशी फुक्क नेवाः खः । तर आः केपी शर्मा ओली नायः व प्रधानमन्त्री जूगु उगु पार्टीया सचिवालयस सुं नेवाःत मदु, न त फूलमन्त्री हे नेवाः दुथ्याःगु दु ।

हलिंया उत्कृष्टमध्ये छगू धाःगु २०७२ सालया संविधानं समानुपातिक समावेशीया खँ ल्हाःगु दु तर मुलुकया थ्यंमथ्यं ६ प्रतिशत जनसंख्या दूगु नेवाः समुदाय राजनीतिक नेतृत्वपाखें बहिष्कृत प्रायः खनेदु ।

नेकपाया शक्तिशाली नेतृत्वदायी निकाय सचिवालयस मुक्कं ९ म्ह दुजः दु, तर छम्ह नं राजधानीया नेवाःत खनेमदु ।

७१ दँ न्ह्यः नीस्वंगु नेकपाय् पार्टी व सरकार निगुलिं असमावेशीताया उदाहरण जूगु दु । पार्टी गठनया खँ जक मखु, राज्य निर्माणय् नं नेवाः समुदायया योगदान अग्रपंक्तिइ खनेदु । लोकतन्त्रया पलिस्थाय् नं नेवाः समुदायं ज्यान तकं ब्यूगु दु ।

जहानियाँ राणा शासन क्वःथलेत गंगालाल श्रेष्ठ, धर्मभक्त माथेमा, दशरथ चन्द व शुक्रराज शास्त्री जोशीं शहादत प्राप्त यात । प्यम्ह मू शहीदय् स्वम्ह ला नेवाः हे खः । तर थौं, २२ म् फूलमन्त्री दूगु क्याबिनेटय् छम्ह नं नेवाः खनेमदु । लिपा कृपाा यानाः छम्ह राज्यमन्त्री नेवाः थप याःगु अवस्था दु । प्रभावशाली पदय् नेवाःपिन्त छुं नं अवसर ब्यूगु खनेमदु ।

(थौं पिदंगु आजको समाचार पत्रय् पिदंगु बुखँ)

Categorized in पत्रपत्रिका