nepal investment baink

ओली प्रचण्ड टक्कर फूट व जूट छु जुइ धायेमफु : किरण

नेवा: अनलाइन न्युज – ललेन्द्र शाक्य | २०७७ मङ्सिर ८, सोमबार १३:४१:१८

कम्युनिष्ट आन्दोलनया शीर्ष नेता मोहन वैद्य किरणं सत्तारुढ दल नेपाल कम्युनिष्ट पार्टी (नेकपा) दुनेया विवाद थःथःगु ईगो व अहमया हुनिं ब्वलंगु दाबी याःगु दु ।

किरणं नेकपा दुनेया विवाद सैद्धान्तिक सिबें नं आन्तरिक कलह जक जूगु नं टिप्पणी याःगु दु ।

नेकपाया नायःपिं निम्ह केपी शर्मा ओली व पुष्पकमल दाहाल प्रचण्डदथुया विवादबारे थःम्हं टिप्पणी मयायेगु मोहन वैद्य किरणं धाःगु दु ।

किरणं धाःगु दु, ओली व प्रचण्ड दथुइ सिद्धान्तया खँ मदु । मिलेजूबलय् नं सिद्धान्तया खँ मजुल । अथें हे मिलेजूगु खः । हिसाबकिताव गनं गन खः ? खँ मिलेजूसा, मिले जुइ । कुचा जुइबलय् फाइदा मदु । थ्व हिसावं स्वयेबलय् मिले नं जुइफु । आन्तरिक कलह ब्वलनाः वयाच्वंगु अवस्थाय् आँकलन यायेत वा ठ्याक्क हे धायेत थाकु ।

प्रचण्डं छ्यूगु फुक्क पला बांलाः जू वा मेपिनिगु पलाः बांमलाः मजू ? धैगु कथंया खँ मजूगु नं किरणं स्पष्ट याःगु दु ।

Categorized in राजनीति