coved ad

ओमिक्रन कोरोना भाइरस वल, विश्वय् धमाधम यात्राय् बन्देज

नेवा: अनलाइन न्युज – ललेन्द्र शाक्य | २०७८ मङ्सिर १२, आइतबार ११:१८:१६

अफ्रिकाय् लुयावःगु कोरोना भाइरसया न्हूगु प्रजाति ओमिक्रमया सन्त्रास अप्वःगु दु । विश्वया गुलिखे देसं न्हूगु प्रजातिया कोरोना भाइरस खतरनाम जूगुलिं यात्राय् कडाई याःगु दु ।

ओमिक्रम सुरुइ दक्षिण अफ्रिकाय् लुयावःगु खः । थ्व याकनं हे मेमेगु महादेश व देसय् ब्वलनावःगु दु । आःतक प्यंगू मुलुकय् ओमिक्रम लुयावःगु दु ।

जर्मनीइ शंकास्पद ओमिक्रम लुयावःगु धासें अध्ययन जुयाच्वंगु दु । सम्भावित संक्रमणया फैलावटयात दृष्टिगत यानाः अमेरिका, क्यानाडा, रुस व युरोपेली युनियनसम्बद्ध मेमेगु मुलुकं यात्राय् कडाई याःगु दु ।

विश्व स्वास्थ्य संगठनं न्हूगु प्रजातिबारे सजकता छ्यलेगु घोषणा यायेधुंकाः यात्राय् बन्देज तःगु दु । युरोपेली देय् व अमेरिकां अफ्रिकाय् संक्रमित देसं यात्राय् रोक तःगु दु ।

ओमिक्रम याकनं ब्वलनीगु प्रजातिया कोरोना भाइरस जूगु तथ्य लुइकूगु दु । थ्व बोटस्वाना, हङकङ व बेल्जियमय् लुयावःगु दु । थ्व दक्षिण अफ्रिकाय् याकनं द्रुत गतिं ब्वलनाच्वंगु तथ्य लुइकूगु खः ।

युरोपेली स्रेन फर डिजिज प्रिभेन्सन एण्ड कन्ट्रोलं ओमिक्रम प्रजाति अतिकं ग्यानापूगु जूगु न्ह्यथंगु दु । थुकिं यानाः नं हलिंन्यंकं सन्त्रास अप्वःगु दु ।

Categorized in अन्तर्राष्ट्रिय