nepal investment baink

एसीसी प्रिमियर कपया सेमिफाइनलपाखें हे पिहाँ वन नेपाः

नेवा: अनलाइन न्युज – ललेन्द्र शाक्य | ने.सं. ११४४ चिल्लाथ्व एकादसी (२०८१ बैशाख ७ गते) शुक्रवाः

ओमानय् जुयाच्वंगु एसीसी प्रिमियर कपया सेमिफाइनलय् यूएईलिसे बुइधुंकाः नेपाः समूह चरणपाखें हे पिहाँ वंगु दु ।

थौं शुक्रवाः जूगु सेमिफाइनल कासाय् यूएईलिसे नेपाः ६ विकेटं बूगु खः ।

यूएईं १७.२ ओभरय् ४ विकेट गुमेयानाः लक्ष्य पूवंकल । ओपनर एलिसान सराफुं सर्वाधिक ५५ रन दयेकल । विष्णु सुकुमारनं २८, आसिफ खानं १० व सेयद हैदरं १४ रन दयेकूगु खः । १२ रन मुंकूबलय् न्हापांगु विकेट गुमेयाःगु यूएईं निगूगु विकेटया नितिं ४२ रनया साझेदारी याःगु खः ।

गुल्सन झा नं २ व ललितनारायण राजवंशी व सोमपाल कामीं छगू छगू विकेट काःगु खः । कासाया विजेता एसिया कपया नितिं छनोट जुइ ।

बुइधुंकाः नेपालं वइगु दँ जुइगु एसीसी एसिया कप म्हितेगु सम्भावना नं क्वचाःगु दु ।

अल अमारतय् टस बुकाः नेपालं न्हापां ब्याट्रिया जिम्मा काःगु खः । आपालं नेपाःमि ब्याट्सम्यानं बांमलाक्क हे प्रदर्शन यात । नेपालं केवल १२० रनया लक्ष्य बिल । नेपालं निर्धारित २० ओभरय् ९ विकेट गुमेयानाः ११९ रन जक मुंकूगु खः ।

Categorized in कासा