zero media family planning adv

एम्स फुटसल कलरफूल म्यूजिकल पिकनिक तःजिक क्वचाल

नेवा: अनलाइन न्युज – ललेन्द्र शाक्य | २०७७ चैत्र १६, सोमबार १०:१८:३०

वंगु ने.सं. ११४१ चिल्लाथ्व चतुर्दसी (चैत्र १४ गते) शनिवाः एम्स इन्टरटेन्टमेन्ट प्रा.लि.या ग्वसालय् किपूया ६ वडा चोभाः मंजुश्री पार्कय् एम्स फुटसल कलरफूल म्युजिकल पिकनिक ज्याझ्वः क्वचाःगु दु ।

फागुन २९ गते शनिवाः चन्द्रागिरी नपा मच्छेगामय् च्वंगु मत्स्य रिक्रियसन सेन्टरय् जूगु एम्स आर्टिष्ट फुटसल कासाया उत्कृष्ट फुटसल टिम कलाकारपिन्त सिरपाः लःल्हासें उगु पिकनिक ज्याझ्वः जूगु खः ।

ज्याझ्वलय् मूपाहाँ कथं किपू नगरपालिकाया मेयर रमेश महर्जन झायादीगु खःसा विशेष पाहाँ कथं ख्यालिजुजु मदनकृष्ण श्रेष्ठ, नेपाली संकिपाया नायक प्रकाश अधिकारीलिसें थीथी व्यक्तित्वपिं उपस्थित जुयादीगु खः । 

एम्सया नायः सुरेन्द्र महर्जन तापाख्यःमिया सभानायःसुइ न्ह्याःगु उगु ज्याझ्वलय् किपू नगरपालिकाया मेयर महर्जनं उत्कृष्ट टिमयात ट्रफी लःल्हानादीगु खःसा ख्यालिजुजु श्रेष्ठ व नायक अधिकारी खादा क्वखायेकाः व दसिपौ लःल्हानादीगु खः । 

ज्याझ्वलय् सांगितिक ज्याझ्वः नं जूगु खःसा ज्याझ्वलय् मूपाहाँ कलाकार कथं लोकंह्वाःपिं भेट्रान म्येहालामिपिं भीम तुलाधर व बबिन प्रधानपिं झायादीगु खःसा वय्कःपिन्सं सांगितिक ज्याझ्वः न्ह्यब्वयादीगु खः ।

अथेहे, ज्याझ्वलय् नांजाःपिं संगीतकःमिलिसें न्हूपिं संगीतकःमिपिन्सं नं सांगितिक ज्याझ्वः न्ह्यब्वःगु खः । 

ज्याझ्वलय् म्येहालामिपिं सुरज व्यञ्जनकार, गंगा महर्जन, लक्ष्मी महर्जन, नेवाः रकस्टार ज्याक महर्जन, राजेन्द्र शाक्य, किरणकुमार शाक्य, सरस्वती मानन्धर, सुरेन्द्र तुलाधर इत्यादी संगीतकःमिपिं लिसें किपूया न्हूप्रतिभा म्येहालामि एरोन महर्जनं म्ये हालाः न्यंकादीगु खः ।

ज्याझ्वलय् मूपाहाँ किपू नगरपालिकाया मेयर रमेश महर्जनलिसें विशेष पाहाँपिं ख्यालिजुजु मदनकृष्ण श्रेष्ठ, नायक प्रकाश अधिकारीलिसेलिसें पाहाँ कथं झायादीम्ह कलाकार च्वमि लिसें किपू नगरपालिकाया पुलांम्ह वडाध्यक्ष लक्ष्मीकुमार महर्जन उदासपिन्सं नुगःखँ प्वंकादीगु खःसा ग्वसाः खलः एम्सया छ्याञ्जे राजेन्द्रकुमार महर्जन राजीं लसकुस न्वचू तयादीगु खः ।

एम्स इन्टरटेन्टमेन्ट प्रा.लि.या नायः सुरेन्द्र महर्जन तापाख्यःमिं एम्स आर्टिष्ट फुटसल धुंकाः आः मेगु ज्याझ्वः कथं भोटेखुसिइ राफ्टिङ्ग ज्याझ्वः जुइगु जानकारी बियादीगु खःसा ज्याझ्वलय् थ्यंमथ्यं निसःम्ह कलाकार व सम्बन्धित व्यक्तित्वपिनिगु उपस्थिति दूगु खः ।

ज्याझ्वः संचारकःमि केके मानन्धरं न्ह्याकादीगु खः ।

Categorized in कला