zero media family planning adv

एम्स इन्टरटेन्टमेन्ट प्रा.लि.या न्हूधाः, सुरेन्द्र महर्जन तापाख्यःमिया नेतृत्व

नेवा: अनलाइन न्युज – ललेन्द्र शाक्य | २०७७ माघ २४, शनिबार १०:४८:४९

एम्स इन्टरटेन्टमेन्ट प्रा.लिया ज्यासना पुचःया न्हूधाः जूगु दु ।

माघ २३ गते शुक्रवाः यलया खोनाय् च्वंगु संसार्स अनलाइन टेलिभिजनया ज्याकुथिइ एम्सया न्हूगु ज्यासना पुचः ल्ययेगु ज्याझ्वः जूगु खः ।

प्यक्वःगु दँ मुँज्याया लसताय् न्हूधाः जूगु उगु ज्याझ्वलय् एम्सया न्हूम्ह नायः कथं सुरेन्द्र महर्जन तापाख्यःमियात सर्वसम्मतं ल्यःगु दु । एम्सया निवर्तमान नायः संकिपाकःमि स्वतन्त्र संसार महर्जन खः ।

एम्सया न्हूगु ज्यासना पुचलय् नायः सुरेन्द्र महर्जन तापाख्यःमिया नेतृत्वय् न्वकू रामकुमार महर्जन जुयादीगु दु । अथेहे, मूछ्याञ्जे राजेन्द्रकुमार महर्जन राजी, दांभरी अन्नु महर्जन जुयादीगु दु ।

एम्सया ज्यासना पुचलय् मू दुजः कथं बुद्धि डंगोल, विष्णुभक्त डंगोल, सञ्जु महर्जन, रुक्साना महर्जन व प्रेमा संसार महर्जन च्वनादीगु दु ।

एम्स इन्टरटेन्टमेन्ट प्रा.लि.या न्हूम्ह नायः सुरेन्द्र महर्जन तापाख्यःमिं आः एम्सपाखें थीथी ज्याझ्वः निरन्तर रुपं ग्वसाः ग्वयेगु जानकारी बियादीगु दुसा ज्याझ्वःया नितिं पलाः न्ह्याकेधुनागु जानकारी नं बियादीगु दु ।

Categorized in कला