zero media family planning adv

एम्स आर्टिष्ट फुटसल कासाया नितिं फागुन १३ गते पत्रकार सम्मेलन किपुली

नेवा: अनलाइन न्युज – ललेन्द्र शाक्य | २०७७ फाल्गुण ११, मंगलबार १४:४६:३५

...कलाकार देसया गर्व व सम्पत्ति खः, इमिगु सम्बर्द्धन, प्रबर्द्धन व सम्मान यायेनु...धइगु मू धापू ज्वनाः एम्स इन्टरटेन्टमेन्ट मैत्रीपूर्ण एम्स आर्टिष्ट फुटसल कासाया ग्वसाः ग्वःगु दु ।

ग्वसाः खलः एम्स इन्टरटेन्टमेन्टं थुगु फुटसल कासाया प्रचारप्रसारया नितिं पत्रकार सम्मेलन नं यायेत्यंगु दु । ग्वसाः खलः एम्सया नायः सुरेन्द्र महर्जन तापाख्यःमिं थ्वहे वइगु बिहिवाः फागुन १३ गते एम्स आर्टिष्ट फुटसल कासाया प्रचारप्रसारया नितिं पत्रकार सम्मेलन जुइगु जानकारी बियादीगु दु ।

नायः तापाख्यःमिया कथं उगु पत्रकार सम्मेलन फागुन १३ गते बिहिवाः न्हिनसिया ४ ता इलय् किपूया १ वडा बाघभैरव परिसरय् च्वंगु स्वमा नेवाः रेष्टुरेन्टय् जुइगु जूगु दु ।

कलाकार दथुइ थःथवय् स्वापू क्वातुकेगु लिसेलिसें भातृत्व स्वापू बल्लाकेगु व स्वापू बिस्तार यायेगु तातुनां उगु एम्स आर्टिष्ट फुटसल कासाया ग्वसाः ग्वयागु जानकारी एम्सया नायः सुरेन्द्र महर्जन तापाख्यःमिं बियादीगु दु ।

वय्कलं फागुन १३ गते बिहिवाः जुइगु पत्रकार सम्मेलनस थीथी संघसंस्था संचारमाध्यमया सकल पत्रकारपिन्त सहभागिताया नितिं इनाप यानादीगु दु ।

Categorized in कासा