zero media family planning adv

एम्स आर्टिष्ट फुटसल कलरफूल पिकनिक वइगु शनिवाः

नेवा: अनलाइन न्युज – ललेन्द्र शाक्य | २०७७ चैत्र १२, बिहिबार १६:३२:२२

म्यूजिकल कलरफूल पिकनिकय् लोकंह्वाःम्ह ख्यालिजुजु मदनकृष्ण श्रेष्ठया लिसेलिसें नांजाःपिं भेट्रान कलाकारपिं भीम तुलाधर, वविन प्रधान, संजय श्रेष्ठ व धीरज राईया लिसेलिसें आपालं संगीतकःमि कलाकारपिनिगु सांगितिक कन्सर्ट ज्याझ्वः जुइगु

थ्वहे वइगु चैत्र १४ गते शनिवाः न्हिनसिया १ ता इलय् किपूया चोभारय् च्वंगु मञ्जुश्री पार्कय् एम्स आर्टिष्ट फुटसल कलरफूल पिकनिक २०२१ ज्याझ्वः जुइगु जूगु दु ।

एम्स इन्टरटेन्टमेन्ट प्रा.लि.या ग्वसालय् जूगु ...कलाकार राष्ट्रया गर्व व सम्पत्ति खः, इमिगु सम्वर्द्धन, प्रवर्द्धन व सम्मान यायेनु...धैगु मू नाराया लिसें कलाकारपिनिगु दथुइ स्वापू बल्लाकेगु व भातृत्व सुदृढ यायेगु व स्वापू विस्तार यायेगु आज्जुं जूगु मैत्रीपूर्ण एम्स आर्टिष्ट फुटसल पूर्ण रुपं सुथां लाःगु दु धकाः ग्वसाः खलः एम्सया नायः सुरेन्द्र महर्जन तापाख्यःमिं जानकारी बियादीगु दु ।

एम्स इन्टरटेन्टमेन्ट प्रा.लि.या नायः सुरेन्द्र महर्जन तापाख्यःमिं आः उगु एम्स आर्टिष्ट फुटसल कासाया समापन व सिरपाः लःल्हायेगु ज्याझ्वः वइगु शनिवाः चोभाःया मञ्जुश्री पार्कय् जुइगु जानकारी बियादीगु दु ।

भाजु तापाख्यःमिं उगु फुटसल कासाया समापन व सिरपाः लःल्हायेगु ज्याझ्वःया लिसेलिसें होली पुन्हीया लसताय् नांजाःपिं लोकंह्वाःपिं कलाकारपिनिगु दथुइ म्यूजिकल कलरफूल पिकनिक जुइगु जानकारी नं बियादीगु दु ।

उगु म्यूजिकल कलरफूल पिकनिकय् लोकंह्वाःम्ह ख्यालिजुजु मदनकृष्ण श्रेष्ठया लिसेलिसें नांजाःपिं भेट्रान कलाकारपिं भीम तुलाधर, वविन प्रधान, संजय श्रेष्ठ व धीरज राईया लिसेलिसें आपालं संगीतकःमि कलाकारपिनिगु सांगितिक कन्सर्ट ज्याझ्वः जुइगु जानकारी नं एम्सया नायः सुरेन्द्र महर्जन तापाख्यःमिं बियादीगु दु ।

शनिवाः जुइगु उगु एम्स आर्टिष्ट फुटसल म्यूजिकल कलरफूल पिकनिक २०२१ स सकलसित सहभागिताया नितिं ग्वसाः खलः एम्सं इनाप याःगु दु ।

Categorized in कला