banijya bank 2

एमाले सुवासनेम्वाङया स्मृतिइ न्ह्यय्गू प्रदेशय् ज्याझ्वः याइगु

नेवा: अनलाइन न्युज | २०८० भाद्र २९, शुक्रबार १५:४१:५६

नेकपा (एमाले) संविधानसभाया अध्यक्ष सुवास नेम्वाङया स्मृतिइ वइगु असोज २ गते न्हययगू प्रदेशय् विचार गोष्ठी याइगु जुगु दु ।

पार्टीयामहासचिव शङ्कर पोखरेलया अध्यक्षताय् थौं शुकूवाः च्वंगु मुज्यां उगु निर्णय याःगु एमालेया केन्द्रीय प्रचार विभागं न्ह्यथंगु दु। विचार गोष्ठी फुक्क हे प्रदेशय् ‘नेपाःया संविधान निर्माणय् सुवासचन्द्र नेम्वाङ’ विषयलय् जुइगु व थीथी राजनीतिक दलया नेतायात अतिथि वक्ता कथं ब्वनिगु जुगु दु।

एमाले अध्यक्ष केपी शर्मा ओली तुल्सीलाल स्मृति प्रतिष्ठान च्यासल, यलय् जुइगु विचार गोष्ठीयात सम्बोधन याइगु जुगु दुसा मेगू प्रदेशय् जुइगु विचार गोष्ठीइ पार्टीया उपाध्यक्षपिं वनिगु जुगु दु ।

थुगु कथं वरिष्ठ उपाध्यक्ष ईश्वर पोखरेल मधेस प्रदेशया जनकपुरय् जुइगु विचार गोष्ठीइ प्रमुख वक्ता कथं वनिगु जुगु दु । कोशी प्रदेशया इलामय् उपाध्यक्ष रामबहादुर थापा, लुम्बिनी प्रदेशय् उपाध्यक्ष युवराज ज्ञवाली, गण्डकी प्रदेशय् उपाध्यक्ष अष्टलक्ष्मी शाक्य, सुदूरपश्चिम प्रदेशय् उपाध्यक्ष विष्णुप्रसाद पौडेल व कर्णाली प्रदेशय् उपाध्यक्ष सुरेन्द्र पाण्डे प्रमुख वक्ता कथं वनिगु जुगु दु ।

Categorized in राष्ट्रिय