नेवा: अनलाइन न्युज – ललेन्द्र शाक्य | २०७७ आषाढ २६, शुक्रबार १५:२३:०९

नेपाल कम्युनिष्ट पार्टीइ छम्ह व्यक्ति छगू पद यानाः सहमतिया विन्दु तयार यायेगु कुतः जुयाच्वंगु दु । प्रधानमन्त्री केपी शर्मा ओलीं पद मत्वःतेगु अडान कयाच्वंगु दुसा सहमतिया नितिं दथुया लँपुया मालेगु ज्या जुयाच्वंगु इलय् थुज्वःगु कुतः जुयाच्वंगु खः ।

ओली लिक्क लाःपिं स्थायी कमिटी दुजःपिं सुवास नेम्वांग, प्रदीप ज्ञवाली व शंकर पोखरेल बिहिवाः सनिलय् प्रचण्ड निवास खुमलटार थ्यंकूगु खः ।

इमिसं ओलीया पाखें सहमतिया बटमलाइनबारे सहलह याःगु खः ।

विश्वस्त स्रोतया कथं ओली पक्षं पार्टी नेतृत्व प्रचण्डं कायेगु कथं सहमति पिकायेफइगु तर उकिया नितिं एमसीसी पारित यायेत ग्वाहालि यायेमाःगु प्रस्ताव तःगु दु । ओली व प्रचण्ड निम्ह हे नायः जूसां नं पार्टी चलेयायेगु मू अधिकार प्रचण्डयात बिइगु इमिगु प्रस्ताव खः ।

ओली पक्षधरं सरकार धाःसा छुं नं हालतय् मत्वःतेगु अडान कयाच्वंगु दु ।

प्रचण्डं धाःसा बटमलाइन हे सरकार त्वःतेमाःगु धासें पार्टी स्थायी कमिटीया निर्णय कथं चलेजुइमाःगु अडान तःगु दु । निगुलिं पक्षया थःथःगु अडानं खँ मिलेजुइ फयाच्वंगु मदुनि ।

Categorized in राजनीति