zero media family planning adv

एनआरएनएया न्हूपिं निर्वाचित पदाधिकारीपिन्त सम्मान यात

नेवा: अनलाइन न्युज | २०७६ कार्तिक ३, आइतबार १९:०३:१५

नेवाः जागरण मञ्च व नेवाः एकता अभियानया मंकाः ग्वसालय् गैरआवासीय नेपाली संघ ( एनआरएनए ) या न्हूपिं निर्वाचित पदाधिकारीपिन्त छगू ज्याझ्वःया दथुइ सम्मान याःगु दु ।
येँया नेपाः ब्यांक्वेटय् थौं आइतवाः सुथय् जूगु एनआरएनएया न्हूम्ह नायः कुमार पन्त, न्वकूपिं अर्जुनकुमार श्रेष्ठ, एसिया प्यासिफिक संयोजक रविन्द्र श्रेष्ठ, दाभरी महेश श्रेष्ठलिसें दुजःपिन्त थथे सम्मान याःगु खः ।
उगु ज्याझ्वलय् साल्ट ट्रेडिङ्गया नायःलिसें भाषासेवी उद्योगपति लक्ष्मीदास मानन्धर, न्हूदँ समारोह समितिया नायः रमेश महर्जन, पूर्व स्वास्थ्यराज्यमन्त्री तिर्थराम डंगोल, पूर्व वायुसेवा निगमया महाप्रबन्धक सुगतरत्न कंसाकार, नेवाः जागरण मञ्चया नायः सुजीव बज्राचार्य, नेवाः एकता अभियानया कजि सुनिलकुमार शाक्यपिन्सं खादा न्ययेकाः सम्मान याःगु खः ।
ज्याझ्वलय् एनआरएनएया न्हूम्ह नायः कुमार पन्तं नेपाःया विकास व हलिंन्यंकं च्वनाच्वंपिं नेपाःमिपिन्त छप्पं यानाः थःपिन्सं ज्या यायेगु विचाः प्वंकादीगु खः ।
अथेहे, न्वकू अर्जुनकुमार श्रेष्ठं एनआरएनएया ज्याझ्वःया झ्वलय् थीथी देसय् वनेबलय् अन च्वंपिं नेवाःत नापलानाः इमिगु विचाः व इमिगु भावनायात कःघानाः ज्या यायेगु विचाः प्वंकादीगु खः ।
उगु ज्याझ्वलय् हनेबहःपिंपाखें न्हूगु नेतृत्वया कार्यकाल सुथां लायेमा धकाः कामना याःगु खः ।

Categorized in स्थानिय-समाज