2565 buddha Jayanti ADV

एक्टिङ कासाय् ब्वति कायेगु ई लिछ्यात

नेवा: अनलाइन न्युज – विजयरत्न | २०७८ जेठ १७, सोमबार ११:४८:१२

नेवाः कलाकारिता ख्यलय् नांजाम्ह सुरेन्द्र तुलाधर या सुखावति मल्टि प्रोडक्शन या ग्वसालय् छगू भर्चुअल एक्टिङ्ग कासा जुया च्वंगु दु । ‘जि नं एक्टिङ याये सः’ धका नां छुनातःगु उगु  कासाय् ब्वति कायेत भिडियो दुतिनेगु लिपांगु दिं बछलाथ्व तृतीया ९     जेठ १५  ० तकया दुने   भिडियो दुतिनेगु नितिं ई बियातःगु    खःसा लकडाउन या ई अझ अप्वयेकुगु हुनिं याना   ग्वसाः खलः सुखावति मल्टि प्रोडक्सनं थ्व कासाय् थःगु ब्वसा दुतिनेगु ई नं थपे याना तछलाथ्व दुतिया ९जेठ २९०   तक क्वछिउगु दु ।  

ग्वसाखलःपाखें जानकारी बिउ कथं कासाय् ब्वति कायेत ईमेलपाखें धमाधम भिडियोत दुहाँ वयाच्वंगु खनेदु ।  आःतकया  दुने थ्व  कासाय् संकिपा म्हिता हे च्वनेधुंकूम्ह कलाकारनिसें चिचीधिकःपिं मचातयसं तकं भिडियो दुथ्याकूगु दु ।

थुके पुलांम्ह कलाकार मोहिदिन खानं तकं ब्वति कयादीगु दुुसा मस्त कलाकारपिं सजगता मानन्धर, सिम्रिक श्रेष्ठ व अमु शाक्यं कासाय् ब्वति काःगु दुसाः आःतकया दुने अमु शाक्य, मोहदिन खान, सबिन शाक्य, बुद्ध महर्जन, कन्चन प्रजापति, बिधान तुलाधर, समन शाक्य, अर्जुन पोखरेल, काजि नेवास् पांगामी, मंगल महर्जन, श्रदा महर्जन, बिमला महर्जन, मिना प्रधान, कृष्ण शोभा उलक, जमुना महर्जन, मोहिनी तुलाधर, सिम्रिक श्रेष्ठ, सजगता मानन्धर, एन्जल चित्रकार व निशान श्रेष्ठपिन्सं थःथःगु ब्वसाः दुतिने धुंकुगु दु ।

थ्व एक्टिङ कासाय्  आपासिनं उत्साहपूर्वक  ब्वति कया च्वंगु दुसाः अनुभवी कलाकार व नच्चापिं कासामि दथुइ ल्यज्या गुकथं जुइ धइगु न्ह्यसलय् सुखावतिया नायः सुरेन्द्र तुलाधरं , 'थ्व एक्टिङ कासा खः, एक्टिङयात स्वयाः त्याकामि ल्ययेगु जुउगुलिं अनुभव सिबें नं जिं नं एक्टिङ याये सः कासाया  निंतिं दुतिंगु ब्वसा दथुइ कासा जुइगुलिं उमेर हद मदु, न्ह्याम्हेसिनं नं ब्वति कायेफइ' धका: धयादिल ।

लकडाउनया ईयात रचनात्मक दयेकेगु तातुना ग्वसाः ग्वया तःगु थ्व कासाया कजि भोगेन्द्र मानन्धरं  थ्व कासाय् न्हाप , लिउ व लियाँल्यु लाःपिन्त नगद नापं मेमेगु सिरपा देछाइगु खँ  कनादिल । थ्व कासाय् दुतिंगु ब्वसाः या मूल्याङ्कन याना सिरपा क्वछिइया निंतिं   आर्यम नकःमि , हिसिला महर्जन महर्जन थेंज्यापिं नांजापिं कलाकःमि पिन्त निर्णायक कथं क्वछिना तःगु दु ।

Categorized in कला