Header Nepal rastra bank Adv

एकीकृत समाजवादीया झिम्ह सांसदत मन्त्री हिलेगु निर्णयया विरुद्ध दन

नेवा: अनलाइन न्युज | २०७९ आषाढ १०, शुक्रबार १२:५१:१६

एकीकृत समाजवादीया झिम्हसांसदत मन्त्री हिलेगु निर्णयया विरुद्ध दनावःगु दु । पार्टी अध्यक्ष माधवकुमार नेपालयात ८ बुँदे ध्यानाकर्षण पौं लः ल्हासें बजेटयात कया सहलह जुयाच्वंगु इलय् मन्त्रीमण्डल पुनर्गठन यायेगु स्वाभाविक तायेके मफइगु खँ न्ह्यथंगु दु ।

बिहीवाः थथे लः ल्हाःगु ध्यानाकर्षण पौं लःल्हापिं झिम्ह सांसदत दुनें मन्त्री पाखें लित सःतेगु निर्णय यानातःपिंः रामकुमारी झाँक्री, विरोध खतिवडा, प्रेम आले व कृष्णकुमार श्रेष्ठ नं  दुथ्याःसा अथे हे सांसदपिं कृष्णलाल महर्जन, गोपालबहादुर बम, बिनादेवी बुढाथोकी, पुष्पाकुमारी कर्ण, धनबहादुर बुढा व निरा जैरु दुथ्याःगु दु ।

एकीकृत समाजवादीं जेठ २२ गते प्यम्ह मन्त्रीपिं रामकुमारी, विरोध, प्रेम व कृष्णकुमारयात लित सःतेगु निर्णय याःगु खः । अथे हे मेटमणि चौधरी, जीवनराम श्रेष्ठ व शेरबहादुर कुँवरयात मन्त्री व हिरा केसीयात राज्यमन्त्री दयेकेगु निर्णय जुगु खः । कुँवर गैरसांसद खः ।

प्रधानमन्त्री श्र बहादुर। देउवां बजेटयात कयाः सहलह जुयाच्वंगु धासें तत्काल मन्त्री हिलाबुला मयाःगु खः ।

 

 

 

 

 

Categorized in राजनीति