prabhu baink new

उर्जामन्त्रीं कुलमानया नियुक्तिया प्रस्ताव याइगु

नेवा: अनलाइन न्युज – ललेन्द्र शाक्य | २०७७ आश्विन १, बिहिबार १२:५७:४६

मुख्यसचिव व राजदुत नियुक्तिया सम्भावना

आः जुइत्यंगु मन्त्रिपरिषदया बैठकय् सुं सुं नियुक्ति जुइगु जूगुलिं महत्वपूर्ण बैठक जुइगु सीदूगु दु ।

थौं जुइगु बैठकय् बेलायत लिसेंया छुं छुं देशया राजदुत नियुक्त याइगु सम्भावना आपालं दु । बेलायतया नितिं राजदुतय् मुख्यसचिव लोकदर्शन रेग्मीयात यंकाः परराष्ट्र सचिव शंकरदास बैरागीयात मुख्यसचिव दयेकेगु तयारी जूगु दु । रेग्मी मुख्यसचिव कायम हे जूसा वसिबें न्ह्यः बैरागी सेवा निवृत्त जुइ । उकिं रेग्मीं राजीनामा बियाः वया थासय् बैरागीयात हयेगु कथं मिलेयाःगु सीदूगु दु ।

मन्त्रिपरिषद बैठकय् ऊर्जामन्त्री वर्षमान पुन अनन्तं कुलमान घिसिंगया नेपाल विद्युत प्राधिकरणया कार्यकारी निर्देशकय् हाकनं नियुक्तिया विषय हाकनं ल्ह्वनीगु जूगु दु । थुकिया संकेत वया सचिवालयं यायेधुंकूगु दु । प्रस्ताव प्रधानमन्त्री व मन्त्रिपरिषदया ज्याकुथिइ थानाच्वंगु दु । सोमवाःया मन्त्रिपरिषद बैठकय् नं उगु प्रस्ताव मन्त्री पुनं न्ह्यःने यंकूगु खः । तर, प्रधानमन्त्री ओलीं अस्वीकार याःगु खः ।

Categorized in राजनीति