2565 buddha Jayanti ADV

उत्तर प्रदेशय् बस व अटो ल्वानाः १७ म्ह सित

नेवा: अनलाइन न्युज – ललेन्द्र शाक्य | २०७८ जेठ २६, बुधबार १०:५५:००

भारत उत्तर प्रदेशया कानपुर व इलाहाबाद सतकखण्डय् बस व अटो ल्वानाः १७ म्ह मनूत सीगु दु । दुर्घटनाय् ६ म्ह घाःपाः जूगु दु । घाःपाः जूपिंमध्ये निम्हेसिगु अवस्था तच्वः जूगु दु ।

भारतीय प्रहरीया आईजी मोहित अग्रवालं तीव्र गतिया बस कानपुरया सचेन्दी धैगु थासय् अटोलिसे ल्वानाः दुर्घटना जूगु व १७ म्ह मनूत सीगु जानकारी बुखँ एजेन्सी एएनआई नं ब्यूगु दु ।

लखनउपाखें नयाँदिल्ली वनाच्वंगु शताब्दी ट्र«ाभल्सया बस मंगलवा सनिलय् मजदुरपिं च्वनावंगु अटोलिसे ल्वाःगु खः । दुर्घटनाय् सिपिंमध्ये आपालं विस्कुट फ्याक्ट्र«इ ज्या याइपिं मजदुरपिं जूगु स्थानीय अधिकारीपिन्सं धाःगु दु । दुर्घटना थुलि भयानक जूगु खः कि आपासिगु घटनास्थलय् हे ज्यान वंगु खः ।

प्रधानमन्त्री नरेन्द्र मोदी, गृहमन्त्री अमित शाह व उत्तर प्रदेशया मुख्यमन्त्री योगी आदित्यनाथं दुर्घटनाप्रति दुःख प्वंकूगु दु । प्रधानमन्त्री मोदीं प्रधानमन्त्री विपद् कोषपाखें सीपिनि छेँजःपिन्त २ लख व घाःपाः जूपिन्त ५० हजार तका दांया दरं राहत बिइगु घोषणा याःगु दु ।

मुख्यमन्त्री आदित्यनाथं दुर्घटनाया अनुसन्धान यायेत अधिकारीपिन्त निर्देशन ब्यूगु दु ।

Categorized in अन्तर्राष्ट्रिय