nepal investment baink

उच्च अदालत पाखें क्रिकेटर सन्दीप लामिछाने निर्दोष जुगु ठहर

नेवा: अनलाइन न्युज | ने.सं. ११४४ बछलाथ्व सप्तमी (२०८१ जेष्ठ २ गते) बुधवाः

उच्च अदालत यलं क्रिकेटर सन्दीप लामिछानेयात जिल्ला अदालत येँ बलात्कार याःगु कसुरय् दोषी ठहर यायेगु फैसला हिला ब्युगु दु ।

थौं बुधवाः न्यायाधीशहरू सुदर्शनदेव भट्ट व अन्जु उप्रेती ढकालया इजलासं जिल्ला अदालतया फैसला हिला सन्दीप लामिछानेयात निर्दोष ठहर याःगु उच्च अदालतया उपरजिष्ट्रार लिसें प्रवक्ता विमल पराजुली जानकारी ब्यूगु दु ।

जिल्ला अदालतया फैसला हिलेवं सन्दीप लामिछाने सफाइ काःगु दुसा फैसलाया पूर्णपाठ घाःसा वये ल्यं दनि ।

वंगु पुस १३ गते जिल्ला अदालत येँया न्यायाधीश शिशिर ढकालं बलात्कार मुद्दाय् लामिछानेयात दोषी ठहर याःगु खः ।

पुस २५ गते  उगु हे इजलासं  लामिछानेयात च्यादँ  कैद सजाय, तीन लाख तका जरिवाना व पीडितयात दुई लाख तका क्षतिपूर्ति बिइकेत आदेश ब्यूगु खः ।

Categorized in कासा