zero media family planning adv

इन्डोनेसियाय् खुसिबाः व चलखं सीपिनिगु ल्याः ५५ म्ह थ्यन

नेवा: अनलाइन न्युज – ललेन्द्र शाक्य | २०७७ चैत्र २३, सोमबार १२:५८:२१

इन्डोनेसियाय् वःगु खुसिबाः व कुतुंवःगु चलखय् लानाः सीपिनिगु ल्याः ५५ म्ह थ्यंगु अनया प्रशासनं जानकारी ब्यूगु दु ।

थौं सोमवाः सुथय् इन्डोनेसियाया विपत् व्यवस्थापन निकायया प्रवक्तां देसया पूर्वी क्षेत्रय् च्वंगु नुसा टेंगरा प्रान्तय् तच्वकं वा वयेधुंकाः वःगु खुसिबाः व चलः कुतुंवःगु हुनिं सीपिनिगु ल्याः ५५ म्ह थ्यंगु पुष्टि याःगु खः । अन आइतवाः प्राकृतिक खुसिबाः व प्रकोपया घटना जूगु धाःगु दु ।

खुसिबाः चलःया हुनिं दर्जानौं छेँ लिसें भौतिक संरचनाय् नं क्षति जूगु प्रारम्भिक विवरणं जानकारी ब्यूगु दु । अथेहे, खुसिबाः व चलखय् लानाः सुं सुं मनूत बेपत्ता जुयाच्वंगु दु ।

Categorized in अन्तर्राष्ट्रिय