zero media family planning adv

इन्डियन जाकीइ विष : इन्डियन जाकिया जा मनयेत इनाप

नेवा: अनलाइन न्युज | २०७६ कार्तिक १४, बिहिबार १०:५७:३०

येँ/नेपालय् नक्कली जाकिया बिगबिगी जूगु खनेदूगु दु ।

नेपाःन्यंकं न्यायेदइगु भारतय् उत्पादित सोनाशक्ति ब्राण्डया जाकि प्लाष्टिकया जूगु लुयावयेधुंकाः न्याये मिइगु ज्याय् रोक तःगु दु ।

जिल्ला प्रशासन ज्याकुथि गोरखां उगु ब्राण्डया जाकि तत्कालया नितिं मिइगु ज्या मयायेत व्यवसायीपिन्त आदेश ब्यूगु दु ।

गोरखा नगरपालिका–६ या कृष्ण श्रेष्ठं सुथय् जा थुइधुंकाः जा नयेत्यंगु इलय् उगु ब्राण्डया जाकि प्लाष्टिकया जूगु सीदूगु खः । श्रेष्ठं धाःगु दु, “जा नयेत्यनाबलय् अस्वाभाविक रुपं फसं फर्रर जूगु खनेदूगु खः । यूट्युबय् छुं भिडियो स्वयागु खः, प्लाष्टिकया जाकि खः कि धैगु शंका जुयाः ग्वारा चिनाः बँय् वांछ्वयाबलय् च्वय् थ्यंक तिंन्हुया वल ।”

जिल्ला प्रशासन ज्याकुथिया पुचलंं थुयातःगु जा लिसें जाकिया नमूना यंकूगु प्रमुख जिल्ला अधिकारी देवेन्द्र लामिछानें जानकारी ब्यूगु दु ।

थुगु विषयस सरकारी पक्षं माःगु अनुसन्धान जुयाच्वंगु जानकारी ब्यूगु दु ।

Categorized in बजाः