zero media family planning adv

इथियोपियाय् विवादित भूमियात कयाः ल्वापु, सछिम्हसिबें अप्वः मनूत सित

नेवा: अनलाइन न्युज – ललेन्द्र शाक्य | २०७७ चैत्र २५, बुधबार १५:२९:०५

इथियोपियाय् अफार व सोमाली प्रान्तया विवादित भूमिया विषययात कयाः जूगु ल्वापुइ लानाः सछिम्हसिबें अप्वः मनूत सीगु दु ।

अन्तर्राष्ट्रिय संचारमाध्यमया कथं वइगु जुनय् निर्वाचन जुइत्यंगु अवस्थाय् इथियोपियाया निगू प्रान्तया बासिन्दापिं दथुइ हिंसा ब्वलंगु खः ।

वंगु शुक्रवाःनिसें सुरु जूगु ल्वापुइ सीपिं आपालं गोठाला लाःगु दु । मंगलवाः अफार प्रान्तया प्रहरी कमिश्नरं सोमाली प्रान्तया फौजं न्हापां आक्रमण याःगु धाःगु दु । उगु ल्वापु सोमाली व अफार निगुलिं प्रान्तं थःपिनिगु दाबी यासें वयाच्वंगु भूमिय जूगु खः ।

इथियोपियाया टिग्रेय् नं छुं ई न्ह्यःनिसें सुरु जूगु ल्वापु आःतक नं न्ह्यानाच्वंगु दनि । अन्तर्राष्ट्रिय समाचार एजेन्सी रोयटर्सया कथं शुक्रवाः नं उगु ल्वापुया झ्वलय् २५ म्ह मनूत सीगु न्ह्यथंगु दु । अय्सां उगु ल्याः सछिम्ह दुनेया हे ल्याः खः वा थप मनुत सीगु खः धैगु स्पष्ट जुइमफुनि ।

ऋफार प्रान्तया अहमद कालोयटं एएपपीलिसेया खँल्हाबल्हास सोमालीया विशेष प्रहरी व लडाकूपिन्सं खानतलासी यासें स्थानीयपिन्त लाक्वपाक्व गोली क्ययेकूगु धाःगु दु । थ्व झ्वलय् अफारया ३० म्ह मनूत सीगु खःसा कम्ती नं ५० म्ह सिबें अप्वः घाःपाः जूगु खः ।

इथियोपियाया निगुलिं प्रान्तं थःपिन्सं न्हापां आक्रमण यानागु अस्वीकार यासें थःथवय् द्वपं बिसें वयाच्वंगु दु ।

Categorized in अन्तर्राष्ट्रिय